吉列牛忌廉烏冬專門店 (彌敦道) (已結業)

睇個餐廳名都知道佢出名吉列牛同忌廉烏冬😅，基本上每枱都係食緊呢兩樣野!! Citrus Ocean藍色嘅特飲幾吸睛喎，味道唔算太甜有柚子同埋薄荷味，幾啱我口味!! 忌廉咖喱烏冬忌廉多到完全蓋過烏冬，但食落又唔覺有咁多忌廉，反而咖喱味好出，烏冬都滑同埋彈牙，個汁濃厚得嚟唔算太膩，呢個烏冬有驚喜，喺其他地方都唔係咁易食得到!! 牛油蜜糖單骨雞翼份量都唔少，但啲雞翼裏面好似醃得唔係好夠味，蜜糖落得好重手，喜歡蜜糖嘅朋友會好鍾意!! 吉列牛定食牛嘅肉質唔錯，建議可以切薄少少容易啲燒，幾鍾意佢個Wasabi沙律醬汁，整體唔錯但我自己鍾意食烏冬多啲!!