八天堂 (已結業)

呢個位置...估唔到夜晚都幾多客人。食物方面呢就好一般。我地叫左：吉烈咖喱豬扒飯（$128）：個豬扒好難食，炸得又唔夠脆，全完好似食緊假豬扒咁...啲質感好怪。啲飯同咖喱汁都好一般，我覺得大XX快餐啲日式豬扒飯仲好食啲，🙄同個價錢唔成正比囉。八天堂西多士（$58）：舊多士係八天堂忌廉包，再加啲cream同生果... 整體味道一般，但好食過齋食忌廉包嘅。八天堂奶油布甸（$38）：一般嘅布甸，算唔上好食，無咩特別。抹茶忌廉包（$28）：抹茶吉士，裡面仲有啲蜜糖，味道👌🏼，但唔值呢個價錢，我寧願食嘉頓嘅忌廉檳...食物唔好太食，又貴... 服務員唔錯，辛苦晒佢👍🏼