喜記避風塘炒辣蟹 (謝斐道)

難得親戚喺外國返香港，梗係要帶佢哋試下香港特色美食！今次專登揀咗銅鑼灣出名嘅喜記避風塘炒辣蟹。親戚食完後都話好有驚喜，真係冇介紹錯！餐廳裝修充滿中式風情，座位舒適，氛圍好適合同家人聚餐。食物方面每一道菜嘅水準都唔錯，適合帶外國返嚟嘅親戚朋友嚟感受香港嘅特色美食文化，值得推介！😋🎉

招牌避風塘炒辣蟹 🦀
呢個絕對係餐廳必點菜式！蟹係即場新鮮捉出嚟煮，好大隻，肉質鮮甜嫩滑，蟹膏夠濃郁！避風塘嘅蒜蓉香口惹味，辣度適中，食到停唔到口！💯😋 

枝竹羊楠煲
羊腩煲係冬天必選嘅暖胃菜，羊腩煮得好腍滑，完全冇膻味，枝竹吸收咗湯底嘅精華，食落濃郁惹味，配埋啲豆腐卜，簡直係完美組合！

惹味風沙鷄
雞肉嫩滑，風沙嘅外層調味鹹香帶，夾埋一啲蒜蓉碎一齊食，味道層次好豐富

涼瓜排骨煲
涼瓜煲得軟淋淋，但又保留咗啲微微嘅苦澀，加埋排骨嘅鮮甜味，湯汁濃郁有層次，好開胃！鍾意涼瓜嘅朋友一定要點

鮑魚鷄粥
粥底煮得綿滑，鮑魚嘅鮮甜融入咗粥入面，雞肉嫩滑，粥嘅味道鮮甜而唔會太重鹹，好適合全家人一齊分享。