立鮨 (安富大廈) (已結業)

之前成日經過，都見到好多人排隊，原來呢間立食壽司嘅荃灣分店係有座位坐👍下次都約埋另一半一齊過嚟嘆下先，今次無約，就繼續外賣返屋企。😍必點推介～午市套餐有個自選壽司套餐，只係$178就可以揀10款壽司，有啲本身三四十蚊嘅款式都喺個list裏面，超抵食！另外我仲追加海鮮蒸蛋同加州手卷，海鮮蒸蛋雖然攞返屋企有少少凍咗，但係依然都好好食，食落好滑溜，鮮味十足。加州手卷就滿滿嘅蟹子，入口口感非常豐富。食壽司梗係要食埋刺身先至完美🍣三文魚腩刺身魚脂味比三文魚更加突出，好厚切，屋企人食完都話冇失望✌🏻✌🏻臨走嘅時候，見到有人叫咗蒲燒鰻魚飯，見到份鰻魚都幾肥美，等我下次再嚟試吓先！