芽籠

營業中

休息中

海南雞配油飯&紫菜湯$68，雞嘅份量好多，無雪味又嫩滑有雞味，點海南雞個三隻醬再撈油飯食好滿足。紫菜湯解渴，唔會太咸。蟹喇沙摻摻$78好大碗又多配料，摻摻就係油麵加米粉，好正宗東南亞食法。湯底惹味，少少偏辣，啱晒鐘意食辣嘅我。咖吔多士配溫泉蛋$28依個抵食！未去過新加坡旅行嘅我第一次試多士同溫泉蛋一齊食，之前睇utube見依個食法係當地好出名嘅早餐食法。兩隻溫泉蛋仲配有甜鼓油同胡椒粉。就咁食啖多士脆卜卜，又有邪惡嘅厚切牛油同甜甜哋嘅咖吔醬。將多士點蛋汁食都幾得意，或者就咁加調味料落雞蛋到食都好嫩滑。椰青$28都好抵飲，唔洗自己開咁麻煩，又大個又清甜。