影片
更多
2020-12-14
1680 瀏覽
星期六忙完行過見到唔駛等位就入去食返餐，因為平時多人食，而且座位少（限聚令下減多50%），變相令食客排更耐，但呢啲唔關餐廳事……量完體溫，入去角位坐低，落蔥油雞脾飯+檸檬紅茶。蔥油雞脾飯：飯底份量都唔少，蔥油多到可以撈完一個飯，雞脾鮮嫩，又啖啖肉，最適合食肉獸食！檸檬紅茶：茶底幾清，唔會太甜，拿捏得恰度好處，呢間既檸檬茶會令我想隊多兩杯。註：餐廳開到2:30pm就落場，如果唔想撲空就要注意時間。題外話：我聽到附近有位小姐要飲少甜飲品，跟住店員都好耐性有禮貌咁解釋d飲品係預先製作，所以無法再調。跟住店員話可以幫位小姐手沖一杯熱檸茶，雖然未試過，但可以試試。小姐過一陣就話要無糖，店員只好解釋茶膽已經有些少甜，做唔到無糖。最後，我都唔記得點解決，但我覺得店員幾好人。
量完體溫，入去角位坐低，落蔥油雞脾飯+檸檬紅茶。
蔥油雞脾飯：飯底份量都唔少，蔥油多到可以撈完一個飯，雞脾鮮嫩，又啖啖肉，最適合食肉獸食！
檸檬紅茶：茶底幾清，唔會太甜，拿捏得恰度好處，呢間既檸檬茶會令我想隊多兩杯。
註：餐廳開到2:30pm就落場，如果唔想撲空就要注意時間。
題外話：
我聽到附近有位小姐要飲少甜飲品，跟住店員都好耐性有禮貌咁解釋d飲品係預先製作，所以無法再調。跟住店員話可以幫位小姐手沖一杯熱檸茶，雖然未試過，但可以試試。
小姐過一陣就話要無糖，店員只好解釋茶膽已經有些少甜，做唔到無糖。最後，我都唔記得點解決，但我覺得店員幾好人。
張貼
