影片
更多
2023-03-26
18 瀏覽
川味王琴晚去咗尖沙咀柯士甸路搵野食，見到一間串燒店門外掛滿好有日本feel嘅燈籠相當吸睛，吸到我入去幫襯！呢間串燒店門口又係有一級，又要出動我塊斜板嘅時候，入到去雖然店內唔算大，大約只能坐20位食客，但店員好努力幫我搵一個合適我坐嘅位置，仲搬開一張枱比我坐近門口位置！1.錫紙花甲粉（麻辣）$58（10/10）呢碗花甲粉好大碗，粉絲份量超多，絕對夠2人食。花甲就好細，蜆肉無沙鮮甜，大約有20隻花甲。最初第一啖食粉絲以為得少少麻辣，點知吞完粉絲先有後勁，麻辣味越來越出，仲要越來越辣，辣得好過隱👍👍👍2.汁燒原條鮮魷魚$40（8/10）呢個汁燒原條魷魚真係好舊，除咗用汁燒，仲灑上孜然同辣椒粉，魷魚好鮮彈牙，唔會燒得過老而好硬，燒得啱啱好！3.燒頂級厚切牛舌心$38（10/10）本來諗住叫薄切牛舌，店員話啱啱賣哂，之後改呢個頂級厚切牛舌心，牛舌心燒得非常軟淋，一串有3大舊厚切牛舌心，每舊牛舌心灑上孜然同辣椒粉，真係好惹味！😋😋😋4.燒雞軟骨$28/2串（8/10）我最鍾意食有骨嘅野，尤其雞軟骨，咬爛軟骨嘅聲好療癒，如果加多少少孜然同辣椒粉就更好！😋5.惹味芝士燒原條茄子$48（8/10）呢個芝
琴晚去咗尖沙咀柯士甸路搵野食，見到一間串燒店門外掛滿好有日本feel嘅燈籠相當吸睛，吸到我入去幫襯！
呢間串燒店門口又係有一級，又要出動我塊斜板嘅時候，入到去雖然店內唔算大，大約只能坐20位食客，但店員好努力幫我搵一個合適我坐嘅位置，仲搬開一張枱比我坐近門口位置！
1.錫紙花甲粉（麻辣）$58（10/10）
呢碗花甲粉好大碗，粉絲份量超多，絕對夠2人食。花甲就好細，蜆肉無沙鮮甜，大約有20隻花甲。最初第一啖食粉絲以為得少少麻辣，點知吞完粉絲先有後勁，麻辣味越來越出，仲要越來越辣，辣得好過隱👍👍👍
2.汁燒原條鮮魷魚$40（8/10）
呢個汁燒原條魷魚真係好舊，除咗用汁燒，仲灑上孜然同辣椒粉，魷魚好鮮彈牙，唔會燒得過老而好硬，燒得啱啱好！
3.燒頂級厚切牛舌心$38（10/10）
本來諗住叫薄切牛舌，店員話啱啱賣哂，之後改呢個頂級厚切牛舌心，牛舌心燒得非常軟淋，一串有3大舊厚切牛舌心，每舊牛舌心灑上孜然同辣椒粉，真係好惹味！😋😋😋
4.燒雞軟骨$28/2串（8/10）
我最鍾意食有骨嘅野，尤其雞軟骨，咬爛軟骨嘅聲好療癒，如果加多少少孜然同辣椒粉就更好！😋
5.惹味芝士燒原條茄子$48（8/10）
呢個芝士燒茄子好邪惡，芝士超多「傑撻撻」，成舊芝士一齊拉絲，芝士有少少咸，但芝士同茄肉係分離咗，如果芝士用火槍燒多一陣就更好！😋
6.罐裝汽水：忌廉同芬達 每罐$12（9/10）
貴咗少少，有得解渴就唔理啦！
2人總共價錢$236
個人口味總評分：8.83/10
地址：尖沙咀柯士甸路17號豐樂大廈地下2號舖
張貼
