麻甩爐海鮮雞煲私房菜 (銀座廣場)

營業中

休息中

今次就嚟到旺角食呢間麻甩爐我哋揀咗烤魚盛宴，烤魚套餐會附送時令刺身拼盤，有三文魚、北寄貝、油甘魚同海蝦，當中三文魚仲可以無限refll。烤魚有3款味道，我哋叫咗“秘製麻甩酸菜烤魚" 酸菜香氣撲鼻，烤魚外皮煎香，肉質嫩滑，魚肉少骨啖啖肉，仲有大量配料好滿足。一定要加安格斯牛肉盛宴圈所有套餐+$188“安格斯牛肉盛宴圈”烤魚加埋呢個圈圈，上抬時煙霧彌漫，超級打卡，拼盤共有六款部位，美國安格斯牛肉、封門柳、牛小排、薄切牛舌、牛肉粒、金錢展，我就鐘意食封門柳滑有牛味，$188有咁多，份量都唔少，真係好抵食。自助配料都好多選擇，各款餃類丸類，蔬菜有西洋菜，娃娃菜，豆苗。必食炸魚皮新鮮香脆，墨魚腸鮮味彈牙。所有套餐均可享無限暢飲酒精類及無酒精飲品，任食雪糕雪條。