旦王

營業中

休息中

因為自己本身好鐘意食辣，所以成日都會食酸辣粉，加入社交平台的香港酸辣粉關注組之後，發現好多人話旦王好好食，所以今日渣車入黎買碗試下，因為天氣好熱我地買左外賣返屋企慢慢嘆，而外賣仲可以分湯。 旦王的酸辣粉辣度可自己揀，我地叫左一碗小辣同一碗中辣，各加左三個餸，份量十足，佢個湯麻同酸都好夠，所以食得好過癮好爽，出面其他的酸辣粉都暫時比不上。而薯粉有適量的咬口，亦不會好淋。芫茜，肉碎，花生，榨菜全部都好足料，有需要仲可以落多少少，食每一啖都有配菜，口感好好，以後經過旺角都必定會去旦王買一碗酸辣粉。