城寨煲皇

營業中

休息中

一家人係尖沙咀打邊爐，餐廳叫《城寨煲皇》，個名超有霸氣，食物如其名，每一款都係煲王。餐廳嘅裝修亦好有以前九龍城仔嘅感覺。招牌三寶丸💛💛💛💛💛💛每一日都係人手打成嘅，色澤非常靚，入口彈牙，味道鮮甜，三寶包括墨魚丸，蝦丸，牛丸。墨魚丸超正，墨魚味十足，乾吊片🩷🩷🩷🩷🩷🩷係魷魚乾片，大大塊非常香，因為係魷魚乾所以淥嘅時間需要比較長，魷魚肉彈牙煙靭，鮮甜味鎖晒喺魷魚入邊，滿滿魷魚乾嘅甘香鮮味。冰火辣味魷魚🧡🧡🧡🧡呢個冷盤唔需要放入火鍋，可以即食，冰冰涼涼令辣味更突出，加上芝麻，又香又辣，因為係凍嘅魷魚更加爽脆。秘制生牛肉刺身🩷🩷🩷🩷大大塊生牛肉刺身，佈滿雪花非常吸引，食落去甘香鬆化，入口即溶。牛肉嘅鮮甜味喺口度打轉，食再多都得。藥膳滋補醉雞湯(半隻)💚💚💚💚💚湯底有非常香嘅藥材味，再加埋酒一齊煲，真係有滋補又養生，雞煲入邊用咗半隻雞去煲，非常鮮味。