餃掂手工餃子雲吞專門店

～一碟兩款嘅松露餃，即叫即煎，上枱已經聞到香氣撲鼻😍一咬落去松露味超級香，有一份鹹香，豬肉紮實，高質！上湯松茸時蔬～第一次食新鮮嘅松茸，厚肉、好有菇味，放入上湯煮嘅青菜零舍甘甜，入口好Fresh，唔需要過多調味，已經好好食😋四川涼麵～我哋揀咗走辣，麵條十分掛汁，加入芝麻醬，配搭花生同埋香蔥芫荽，成個麵即刻變得香口特別一提呢度嘅蜂蜜檸檬薏米水，滋潤又解渴，薏米煲到好溶，咁啱今日另一半喉嚨有啲唔舒服，都大讚飲完好舒服！