Four O Five Coffee & Eatery

營業中

休息中

今日放假同朋友去觀塘區工廈逛逛店舖，行到中午肚餓朋友有好介紹，餐廳就喺觀塘地鐵站幾分鐘路程，觀塘成業街19-21號成業工業大廈地下2號舖，餐廳主要有西式精緻食物，特飲及甜品。澳洲西冷牛扒配薯蓉西冷牛扒牛肉味濃，油脂較少，肉質纖維較粗嘅口感，配嫩滑嘅薯蓉，蔬菜有煎香茄子、翠肉瓜、甘筍及蘭花苗非常豐富。餐湯係粟米忌廉湯，用新鮮粟米磨碎煮成，好新鮮粟米味道好滑溜。酥炸海苔魷魚原隻魷魚切條，炸粉加入海苔提升魷魚鮮味，熱辣辣脆卜卜，加青芥末沙律醬一齊食更惹味。芒果菠蘿沙冰上面係忌廉加芒果糖漿，下面係菠蘿沙冰，清新冰凍唔太甜 ，夏天極品。宇治抹茶鮮奶有茶香，甜度適中，口感細滑。粒粒芒果椰子忌廉梳乎厘份量舖滿成隻碟真夠大，滿滿椰子忌廉加芒果粒，加芒果糖漿整體唔太甜，配搭適度好好味道。所有菜式、甜品、飲品都精心製作好似藝術品，味道好觀賞性亦高。