影片
更多
2022-04-30
30 瀏覽
平時少啲經過大角咀埃華街呢邊，發現原來街道兩旁食店林立，係覓食好去處，依家下午天氣悶熱，特別想食甜甜地凍凍地嘅嘢，見到「甜公館」玻璃門面張貼咗好多甜品嘅宣傳海報，好似召喚緊我入去咁！「甜公館」個格局好光猛，空氣流通、好通風，見到放置咗部空氣清新機，其中一面牆係玻璃牆，空間感十足，四周嘅牆又貼滿晒唔同種類嘅甜品宣傳海報，唔使睇Menu都知道有乜嘢食！入邊有個工作嘅姨姨，食客一坐低，佢就會斟水送上，說話嘅聲音好似帶微笑咁，又問甜品好唔好食，好殷勤親切、又有禮貌！見到menu有好多系列：西式甜品、窩夫、綿綿冰、沙冰、中式甜品、芋圓、椰皇、西米露系列！選擇多多！見到幾個外賣都叫焦糖雪糕批，於是我都叫點咗！➺焦糖雪糕批$36第一次食雪糕做餡嘅批，外貌好似蛋撻，但味道並不普通，用匙羹敲兩敲，一下匹起焦糖片同芒果味雪糕送入口，唔係太甜嘅雪糕一下子溶化，剩返好脆、有少少厚度嘅焦糖片咀嚼，再匹起雪糖同餅底，餅底好重奶油味又酥化，不甜，中和返晒頭先焦糖片嘅甜味，成個批感覺好輕盈。而且上中下三層唔同質感嘅食材放埋一齊，層次分明，口感又幾得意。➺芒果窩夫配雪糕$55食完雪糕批，個胃仲有空間，所以點咗個窩夫，窩
「甜公館」個格局好光猛，空氣流通、好通風，見到放置咗部空氣清新機，其中一面牆係玻璃牆，空間感十足，四周嘅牆又貼滿晒唔同種類嘅甜品宣傳海報，唔使睇Menu都知道有乜嘢食！
入邊有個工作嘅姨姨，食客一坐低，佢就會斟水送上，說話嘅聲音好似帶微笑咁，又問甜品好唔好食，好殷勤親切、又有禮貌！
見到menu有好多系列：西式甜品、窩夫、綿綿冰、沙冰、中式甜品、芋圓、椰皇、西米露系列！選擇多多！見到幾個外賣都叫焦糖雪糕批，於是我都叫點咗！
➺焦糖雪糕批$36
第一次食雪糕做餡嘅批，外貌好似蛋撻，但味道並不普通，用匙羹敲兩敲，一下匹起焦糖片同芒果味雪糕送入口，唔係太甜嘅雪糕一下子溶化，剩返好脆、有少少厚度嘅焦糖片咀嚼，再匹起雪糖同餅底，餅底好重奶油味又酥化，不甜，中和返晒頭先焦糖片嘅甜味，成個批感覺好輕盈。而且上中下三層唔同質感嘅食材放埋一齊，層次分明，口感又幾得意。
➺芒果窩夫配雪糕$55
食完雪糕批，個胃仲有空間，所以點咗個窩夫，窩夫有完整兩大件，即叫即整，上枱嘅時候係脆嘅，入面暖暖哋，啖啖蛋味，窩夫面層逐粒逐點加上芒果粒同cream，每一啖都均匀食到，有誠意！
埋單接受消費券，外賣仲有九折，太好喇！
張貼
