德運豬扒車仔麵 (已結業)

星期六晚要食自己，喺佐敦行下行下就見到呢間車仔麵店。裝修都幾光鮮同乾淨，應該係啱啱新開嘅，坐得幾舒服。價錢都好合理，種類唔少。而呢度出名炸豬扒，梗係要試下喇～先揀麵底同湯底，然後揀餸。最後嗌咗油麵、牛腩汁、炸豬扒、自家韭菜餃、豬紅、通菜、蘿蔔。炸豬扒真係必食，好juicy 多汁，又唔會炸得太過油膩。另外佢哋個韭菜餃有驚喜，因為自家製嘅關係，個餡料真係好豐富，個皮又唔太厚，真係好好味。仲包熱飲，好掋食。