享慢煮意 (善慶街) (裝修中)

中上環呢間超出名食流心牛角包的餐廳，除左牛角包外，仲提供各款法國菜式。餐廳招牌自家製牛角包，估唔到連蟹膏都可以放入牛角包，好有創意，所以前菜加錢轉爆漿蟹膏流心牛角包，蟹膏濃郁鮮味之餘帶點咸香蟹籽，酥脆口感，值得一試。流心牛角包更有甜品版本，海鹽焦糖咖啡流心牛角包充滿咖啡香氣，一切開濃滑的咖啡醬蜂擁而出。美國頂級牛腹扒配香煎鵝肝牛腹扒顧名思義即係牛腹部，由於結締組織多，所以牛肉味較為突出，中間呈粉嫩，肉香濃郁，口感極佳。而鵝肝質地細膩，好食。龍蝦汁蟹肉伊麵有點fusion感覺，味道好好，成件事好match。白松露雪糕配焦糖燉蛋第一次食白松露雪糕，好香好特別。