The Captain's House (已結業)

今日出到嚟尖沙咀諗住諗住搵工海鮮食下，跟住上網見到呢間captain House好多好評就試吓。餐廳座位唔多，所以一定要訂位先至食得到。海鮮拼盤A $418嚟到呢度梗係要試吓佢哋嘅招牌套餐啦，只係四百幾蚊就可以食到三款海鮮，今次我哋就揀咗馬尼拉蜆，原隻魷魚同埋扇貝，配以檸檬胡椒醬汁。海鮮款款都好鮮甜，份量都唔少，醬汁都好開胃撈埋一齊食幾夾。路易斯安那式蟹餅 $118蟹餅係用鐵板上枱，所以上枱嗰時仲係熱辣辣。蟹肉好多，而且非常鮮甜，值得一試。