一喜‧拉麺

營業中

休息中

今日專登到石門試下呢間拉麵店。佢本身都多選擇，有豚骨湯、雞白湯、仲有蝦湯，又分鹽味底同醬油底。今日就試佢嘅新期間限定九洲風味豬軟骨拉麵。加多$30可以跟埋小食同飲品。豬軟骨真係好鬼大條，食肉獸一定鍾意。湯底係醬油豚骨濃湯湯底豚骨味濃但係一啲都唔咸，值得一讚，其他配料有紫菜、木耳絲、半隻溏心蛋，溏心蛋夠入味。麵係普通直麵，開頭都有咬勁，可以湯夠熱，之後會變淋所以建議快啲食。小食叫咗份吉烈炸蠔，新鮮熱辣炸起。好正。呢區真係冇乜好拉麵店，呢度簡直係清泉。