獅叔 (已結業)

裝潢帶點懷舊風但不缺打卡位，色調鮮艷，亦善用不少霓虹燈。食物方面都唔識無令我失望。✨蒜虎虾球飯粒虎蝦球肉質爽彈厚肉。牛油味非常香濃，再加上炸蒜粒調味，個人非常喜歡！飯球口感似糯米，帶點椰香，都幾飽肚。✨檳城大蝦炒粿條個人好喜歡呢道菜。粿條口感有啲似舊煙靭幼身嘅河粉，味道鹹鹹辣辣好惹味。大蝦爽彈，再加入其他配料例如炒豆乾、芽菜等，味道不錯。✨燒牛油大頭蝦好大隻虎蝦，同事有牛油香同焦香，中間仲有超吸睛蝦膏。✨馬來湯肉骨茶星馬菜點少得肉骨茶。以豬骨頭配合多種藥膳同香料熬成，濃郁而不苦澀。加上豆卜、金菇、油炸鬼等配料。✨印尼巴東牛肉以椰奶、辣椒同香料調味，牛肉非常入味，都夠腍。✨馬來奶油咖喱雞咖哩奶味香濃幼滑，屬於唔辣嘅咖哩。雞肉好嫩滑。甜品叫左美祿咖央烤吐司同咖央蘋果金寶配雪糕。兩者都加入星馬名物咖央，前者有濃濃美祿味，後者Apple crumble好好味，仲有冷熱交融嘅感覺。