影片
更多
2022-09-28
60 瀏覽
之前呢間舖頭喺廣華街附近，下午嘅時候成日去食佢嘅口水雞飯！！今次終於去到尖沙咀分店試吓佢嘅茶底打邊爐！今日揀咗B餐 新鮮農場靚牛串串套餐。鍋底極力推薦大家加$30要一個鴛鴦雙拼，佢嘅野生菌王雞湯相當足料，蟲草花嘅份量毫不吝嗇，湯底清甜。而麻辣湯底則加入左菊花茶包，唔怕過於熱氣。套餐食材套餐包括左牛頸脊、牛小排、SRF和牛肉眼邊三揀一。牛頸脊肉質好軟嫩，肥瘦相間，油脂充分。另送時令海鮮：有海蝦、鮑魚、蜆、細蟶子，鐵盤而上並有冰鎮住，不過略嫌貝殼類海鮮有少少沙。配菜自助形式拿取，大部份都吉好一串串非常方便，特別推薦芫荽牛肉卷，油膩感都被清香嘅芫荽中和左，爆汁牛丸，蛋黃丸都係推薦之一，咬落去相當彈牙。另外亦都有魚皮餃、山根、響鈴、蟹柳等等打邊爐嘅必備材料。燒烤除左火鍋，餐廳亦都提供燒烤，每台座位都配上一支獅頭嘜純正粟米油，可以將海蝦、雞翼、牛肉片落去，享受雙重口感雙重享受。飲品雪櫃非常之令人驚喜，玻璃樽裝汽水、無糖遊戲飲品、茶飲一應俱全，座位上更加備有開瓶器，相當貼心。#優惠情報19:00前埋單或者21:30後入座亦都有九折
鍋底
極力推薦大家加$30要一個鴛鴦雙拼，佢嘅野生菌王雞湯相當足料，蟲草花嘅份量毫不吝嗇，湯底清甜。而麻辣湯底則加入左菊花茶包，唔怕過於熱氣。
套餐食材
套餐包括左牛頸脊、牛小排、SRF和牛肉眼邊三揀一。牛頸脊肉質好軟嫩，肥瘦相間，油脂充分。另送時令海鮮：有海蝦、鮑魚、蜆、細蟶子，鐵盤而上並有冰鎮住，不過略嫌貝殼類海鮮有少少沙。
配菜
自助形式拿取，大部份都吉好一串串非常方便，特別推薦芫荽牛肉卷，油膩感都被清香嘅芫荽中和左，爆汁牛丸，蛋黃丸都係推薦之一，咬落去相當彈牙。另外亦都有魚皮餃、山根、響鈴、蟹柳等等打邊爐嘅必備材料。
燒烤
除左火鍋，餐廳亦都提供燒烤，每台座位都配上一支獅頭嘜純正粟米油，可以將海蝦、雞翼、牛肉片落去，享受雙重口感雙重享受。
飲品
雪櫃非常之令人驚喜，玻璃樽裝汽水、無糖遊戲飲品、茶飲一應俱全，座位上更加備有開瓶器，相當貼心。
#優惠情報
19:00前埋單或者21:30後入座亦都有九折
張貼
