TOSS 蘇媽.蘇媽 (已結業)

中西日韓泰成日loop住食都食左幾個loop，悶悶地終於試下其他野，蘇媽開到去屯門啦，我要食辣死你嗎呀！好，坐車睇下有咩好食先。招牌肉骨茶 一字骨，肉骨茶用上當歸、川芎等多種藥材泡製，湯底飲落有藥材味得黎，又清澈。啲一字骨份量超多，仲有其他湯料。辣死你嗎配仁當牛肋條，個椰漿飯好香，靈魂係個參巴醬，要黎點魚仔，蝦餅都超好食。牛肋條好軟腍，個醬汁就真係辣辣地。馬拉沙嗲串燒，豬牛雞各一串，食串燒除左食肉，其實都係食個沙嗲醬，個汁係娘惹風味！椰汁班蘭冰，飲到椰味，但個杯係青綠色既班蘭，好靚仔。桔仔話梅水，飲品都好有特色，桔仔同話梅都係酸既，但飲落唔會好酸，仲有種生津既感覺。