九龍城出名泰國菜多，呢間「泰象館」雖然唔算好大間，但食物質素幾好，價錢合理，值得一試！
🐷 蒜蓉包 新鮮出爐，外脆內軟，蒜蓉味好香，點埋啲咖喱汁食真係一流！
🐷 泰式濕炒河（豬肉） 河粉炒得夠鑊氣，豬肉嫩滑，醬汁濃郁得嚟唔會太鹹，仲有啲蔬菜平衡返，好夠味！
🐷 馬拉盞炒通菜 通菜炒得爽脆，馬拉盞香味十足，帶少少辣，好開胃！
🐷 海南雞飯 雞肉好滑，皮薄肉嫩，油飯香而不膩，好正宗！
🐷 菊花薑蜜 飲落好暖胃，菊花清香加上薑嘅微辣，甜度適中，食完濃味嘢飲返杯好舒服！
🐷 洛神花蜜 酸甜開胃，飲落好清新，解膩一流！
