✨炭燒豬頸肉拼炸魚露豬頸肉條：兩款豬頸肉都肉嫩多汁；而豬頸肉條經過油炸後，口感更佳，肉香、油脂香更豐富。
✨依善辣豬肉碎生菜包：肉碎加入香茅、 辣椒、紅蔥等香料，仲有特別加了豬耳丁，令口感更富豐；味道酸酸辣辣，配生菜、青瓜，清新爽口。
✨蟹肉奄列：未試過咁多蟹肉嘅奄列，蟹肉與蛋比例差唔多一半半，勁足料。啖啖蟹鮮及蛋香，食完令人好滿足，大推！
✨冬蔭清湯花甲：新菜式，花甲好鮮甜，玫瑰露令整體味道更提鮮、更甜，更有淡淡嘅玫瑰露酒香！
✨醉貓肉碎炒河：河粉彈牙又煙靭，配埋肉碎，雜菜、特製醬汁等一齊炒到乾身，好惹味，少少辣，好開胃。
✨冬蔭雜菌湯：冬陰功勁足料，集酸鹹辣香於一身，飲完好醒神。
✨芒果糯米飯：芒果肉鮮甜，糯米飯有濃濃嘅椰汁香，軟糯又香甜，必試。
推薦大家試試特式飲品，「椰汁沙冰」味道清新，不太甜，有淡淡奶香；「香茅青檸樂」味道特別，可樂中有清新香茅、青檸味，勁過癮。
