森．湯咖哩 (已結業)

日本咖喱就食得多，湯咖喱係日本北海道名物就真係未試過～一於就同朋友 試一試呢一間位於觀塘嘅日式小店《森。湯咖喱 》呢間餐廳連名字都非常有日本style😛餐廳裝修簡約 坐得舒適😜用上手機落單 ，方便快捷而家新開張仲有八折優惠，更加抵！北海道帆立貝湯咖喱賣相已經令人食慾十足 帆立貝加上好多色彩繽紛嘅蔬菜放喺咖喱上 聽店員所講咖喱係自家製嘅，蔬菜有茄子 椰菜粟米芯 西蘭花 蘿蔔 等等 好健康我哋叫咗小辣 ，首先飲一啖湯咖喱 辣到啱啱好，甜甜地 又唔會太過濃烈 配埋飯食就啱啱好帆立貝輕輕煎過 好厚肉 好正😜朋友叫咗飛簷和牛漢堡扒湯咖喱🍛飛簷和牛漢堡肉質結實 又juicy 一樣配上香甜湯咖喱，好快就食晒成碗飯另外要咗小食拼盤最鍾意芝士年糕 芝士係流心 拉絲❤️脆皮燒魚卷🐟非常彈牙 好正呢間餐廳價錢唔貴 ，健康又好吃 真係好想再去日本😛