一家

營業中

休息中

呢間餐廳得到必比登推介，食物質素自然有保證。首先係小籠包四件$58，皮薄餡靚，湯汁豐富，肉味濃郁！麻辣香炸鳳尾魚$78都相當出色，炸得金黃香脆，麻辣味調得啱啱好，夠惹味但唔會蓋過魚嘅鮮味，係令人停唔到口嘅小食。主打一家葱油白切雞$138份量十足，雞肉嫩滑，葱油嘅香味滲透雞肉之中，味道清香，唔會太油膩，我推介呢個經典菜式。最後係極品蜜汁金華火腿$188，火腿鹹香適中，蜜汁嘅甜味令味道更豐富，配熱辣辣嘅夾包食，仲有青瓜幾清爽。飲品善良姨婆（蝶熱情果、伯爵茶、百里香）酸酸甜甜幾好飲。霸氣大哥（柑桔薑伯爵茶、薑、糖）柑桔味突出，再帶薑味。