影片
更多
2024-05-23
56 瀏覽
今年經濟差，經營餐廳一啲都唔容易，西環就經歷咗一輪餐廳大洗牌，好多舊嘅西式餐廳已經執咗笠，取而代之嘅係唔同中國品牌嘅烤魚餐廳酸辣粉等等…今晚俾我發現到堅尼地城開咗一間新餐廳，估唔到呢度嘅小炒係咁有鑊氣咁高水準! 成個堅尼地城(除咗士美菲路街市）真係好少搵到咁好食嘅小菜! 呢度平日下午仲有點心食，夜晚除咗小菜仲可以打邊爐🍲餐廳嘅裝修以懷舊港式大排檔為主題，擺咗好多7/80年代各種街坊生活嘅照片，好有80年代老香港嘅感覺。聽餐廳老闆話粥粉麵飯係淺水灣非常受歡迎，但由於租約已完結所以就搬咗過嚟西環繼續經營。中式牛柳～牛柳每一塊都又厚又大件，食落去係有牛肉嗰種煙靭嘅質感而唔係啖啖鬆肉粉果種。個精粹絕對係個酸酸甜甜嘅汁，非常惹味同開胃🤤蒜蓉粉絲蒸龍躉～龍躉嘅份量非常慷慨！有差唔多十大塊，每一件都係厚切嘅，肉質咬落爽口彈牙魚肉新鮮。配埋大量蒜蓉同埋粉絲索哂魚汁嘅精華👍🏻滑豆腐炒雜菌～豆腐炸香咗表面之後再用汁去兜，口感非常嫩滑！所有雜菌都好香健康又美味😊配埋兩杯熱飲，檸檬柚子蜜同埋桂圓紅棗茶，解渴又滋潤🥰下次要帶埋屋企人嚟試埋佢嘅點心！呢度平日星期一至五中午有lunch set同埋下午茶☕️，西環嘅上
餐廳嘅裝修以懷舊港式大排檔為主題，擺咗好多7/80年代各種街坊生活嘅照片，好有80年代老香港嘅感覺。聽餐廳老闆話粥粉麵飯係淺水灣非常受歡迎，但由於租約已完結所以就搬咗過嚟西環繼續經營。
中式牛柳～牛柳每一塊都又厚又大件，食落去係有牛肉嗰種煙靭嘅質感而唔係啖啖鬆肉粉果種。個精粹絕對係個酸酸甜甜嘅汁，非常惹味同開胃🤤
蒜蓉粉絲蒸龍躉～龍躉嘅份量非常慷慨！有差唔多十大塊，每一件都係厚切嘅，肉質咬落爽口彈牙魚肉新鮮。配埋大量蒜蓉同埋粉絲索哂魚汁嘅精華👍🏻
滑豆腐炒雜菌～豆腐炸香咗表面之後再用汁去兜，口感非常嫩滑！所有雜菌都好香健康又美味😊配埋兩杯熱飲，檸檬柚子蜜同埋桂圓紅棗茶，解渴又滋潤🥰下次要帶埋屋企人嚟試埋佢嘅點心！呢度平日星期一至五中午有lunch set同埋下午茶☕️，西環嘅上班族可以同埋同事嚟試吓！
張貼
