茶涮涮 (已結業)

今日約左男朋友中午係銅鑼灣食飯，見到上網推介茶涮涮，食物同環境都非常吸引，所以立即去🫢。今日食午市套餐，湯底揀左原粹豆乳豚骨湯鍋，好正好香豆乳味同濃濃豬骨湯味，湯料好足，豆腐好滑溜，大滿足呀😙！主菜日本A5雪室熟成和牛関東寿喜焼，雪室熟成和牛肉汁飽滿、口感鮮嫩軟腍，入口融化，食到搶埋男朋友個份黎食😝！烏冬冷食，夏天冷食真係好爽，加埋豆乳豚骨湯，非常夾🤩！我地一致認同餐廳食物新鮮又好味，店員友善，環境簡約寬敞，最緊要夏天冷氣夠💯！