西貢街頭越南牛肉粉

營業中

休息中

灣仔大街特色越南菜，我地星期日晚8點到餐廳，兩個人被安排坐卡位，位置都舒適，食物亦都不錯。不過建議午市同下午茶時段去，價錢平一截更抵食。🔹會安烤豬頸肉 $90豬頸肉份量算多，厚切豬頸肉咬落都好腍，不過略嫌覺得佢烤得唔夠焦脆，如果佢再燶少少會好食好多。味道方面就淡左啲，但係加埋佢嘅越式辣醬，就變得好惹味😋🔹街頭生牛肉湯檬粉 $75比想像中大碗，不過食落好多都係湯嚟。生牛肉好鮮嫩，食落去唔會好柴，牛肉湯嘅湯底亦都好清甜，好有牛味。如果唔鍾意咁重牛味嘅話，可以加埋佢另上嘅青檸，中和返味道更加出色。另外佢嘅檬粉似米粉，比米粉粗少少，但都好好食😍🔹順化香茅豬扒飯 $86香茅豬扒煎得超好，肥瘦適中唔會太乾，調味都好出色🤤不過就油膩左少少。另外仲配咗兩件蒸雞蛋，有別於一般般蒸蛋，佢係有少少木耳同粉絲係裏面，口感幾特別。