影片
更多
2024-01-04
742 瀏覽
Gemini House今次介紹太子呢間酒吧餐廳叫「Gemini House」，最近佢哋做緊Hoegaarden買一送一，Happy Hour $58一枝，Normal Hour$78一枝， 不過呢間酒吧門口都係有一級，又要出動我塊斜板嘅時候！入到去環境算闊落，播嘅音樂好柔和，好啱同一班朋友聚舊傾計！精選二人餐$3181.是日餐湯兩份（10/10）當日餐湯係南瓜忌廉湯，南瓜好香甜，都幾濃稠，好好飲！2.三文魚黑松露扁意粉（10/10）呢碟扁意粉一遞上枱已經覺得好靚，四塊煙三文魚砌成一朵玫瑰花，花蕊位置放上大量黑松露，黑松露好香口，四塊三文魚好新鮮又厚身，扁意粉好軟身滑漏，其他配料仲有菇、甘筍、洋蔥、紅椒絲等！3.鵝肝黑松露燒春雞 配薯條（9/10）好推介呢個燒春雞比大家，外皮燒到脆卜卜，春雞嚟講算大隻，肉質嫩滑唔鞋，點埋鵝肝黑松露汁就一流，估唔到成塊鵝肝喺汁入面，超香超正！仲配埋薯條，薯條係幼長，熱辣辣好脆，加咗少少鹽，如果嫌唔夠味點埋鵝肝呃松露汁仲正！4.Hoegaarden（Peach）$58（買一送一）（10/10）呢支酒係桃味，淡淡桃味易入口！5.Hoegaarden（Pome
今次介紹太子呢間酒吧餐廳叫「Gemini House」，最近佢哋做緊Hoegaarden買一送一，Happy Hour $58一枝，Normal Hour$78一枝， 不過呢間酒吧門口都係有一級，又要出動我塊斜板嘅時候！
入到去環境算闊落，播嘅音樂好柔和，好啱同一班朋友聚舊傾計！
精選二人餐$318
1.是日餐湯兩份（10/10）
當日餐湯係南瓜忌廉湯，南瓜好香甜，都幾濃稠，好好飲！
2.三文魚黑松露扁意粉（10/10）
呢碟扁意粉一遞上枱已經覺得好靚，四塊煙三文魚砌成一朵玫瑰花，花蕊位置放上大量黑松露，黑松露好香口，四塊三文魚好新鮮又厚身，扁意粉好軟身滑漏，其他配料仲有菇、甘筍、洋蔥、紅椒絲等！
3.鵝肝黑松露燒春雞 配薯條（9/10）
好推介呢個燒春雞比大家，外皮燒到脆卜卜，春雞嚟講算大隻，肉質嫩滑唔鞋，點埋鵝肝黑松露汁就一流，估唔到成塊鵝肝喺汁入面，超香超正！
仲配埋薯條，薯條係幼長，熱辣辣好脆，加咗少少鹽，如果嫌唔夠味點埋鵝肝呃松露汁仲正！
4.Hoegaarden（Peach）$58（買一送一）（10/10）
呢支酒係桃味，淡淡桃味易入口！
5.Hoegaarden（Pomelo）$0（買一送一）（8/10）
呢支酒係柚子味，淡淡柚子味易入口！
6.Flamingo $52（9/10）
少少酸酸地，易入口，無含酒精成分！
2人總共價錢$470.8，有加一服務費！
個人口味總評分：9.33/10
@gemini_house_hk
地址：太子通菜街240號樂興大廈地下B號舖
#GeminiHouse #太子 #太子好去處 #太子美食 #酒吧餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
