AEON Supermarket

營業中

休息中

今日得閒經過aeon聽到星期三有特價就睇吓有冇平嘢可以買。附近有$100兩盒壽司，點知道我買嘅呢一份冇。但係好奇怪喎呢一個雪櫃嘅壽司都係賣相睇落去好過特價嗰邊。其實我都有諗過買$28一盒送飲品嘅壽司飯。但係呢個免治吞拿魚飯睇落去吸引好多，所以我就選擇做呢一盒，$49.8冇特價。隨盒附送一包豉油同一包Wasabi，好明顯其實唔夠。所以我就拎多咗幾包豉油同埋Wasabi。一拎到返屋企即刻拆咗嚟食，可以食得出吞拿魚有嗰種芝麻嘅香味，同埋蔥嘅調味，仲有本身海洋嘅鮮味。唔係講笑，真心正。睇落去好似飯嘅份量多過魚，但其實佢嗰魚鋪得比個飯仲要厚身。我真係覺得同出面嗰啲日式料理店要價成$100左右嘅吞拿魚飯差唔多。