上海姥姥 (翡翠明珠廣場)

營業中

休息中

踏入二月份，鑼鼓聲咚咚，又是新年歡聚時……近年新派上海菜館其門如市，今晚睇到門口條隊唔係好長，仲新推出咗贺年菜添……梗係要搶先試！雖然唔係上海人，但上海菜一向係我家粤菜以外嘅必然選擇……頭盤係蟹肉豆苗小籠包 ，綠色嘅小籠包好得意，咬開陣陣蟹肉香，汁肉比例剛刚好。之後上嘅係大極蝦球、一邊係我最鐘意嘅黃金蛋黄味，另一邊係酸辣味，陰陽調和，盡顯太極本色。外婆红燒肉肥瘦適中，糖醋汁係當中精粹，加上栗子、腐皮伴碟，淨係賣相巳經令人垂涎。鴻運當頭係紅燒黄金獅子頭，嫩滑豬肉包裹蛋黄，伴以娃娃菜上碟，好有上海家常菜感覺。年年有「魚 」係松子桂魚，色彩繽纷嘅桂魚成尺長，呢味菜最考大廚刀功，魚身切成粒粒去炸，皮脆肉嫩，淋上酸汁，好開胃，仲要起埋骨，老少平安都食得。粒粒皆是寶係古法八寶飯，仲要係甜點，估佢唔到，八寶嘅八款饀料包括紅豆沙、桂花糖、白糯米、紫糯米、腰果碎、紅棗、紅車厘子及杏脯，口感豐富，我最锺意桂花糖漿，清香撲鼻又甜蜜蜜，好圓滿。飲品方面，配埋桂圓紅棗薑茶，冷熱都好飲，驅寒暖身，捧住個肚走！