影片
更多
2023-06-19
559 瀏覽
心情靚同同事去黃埔花園海邊嘅Cafe食個靚早既然去得就食過最勁嘅All Day Breakfast 想健康啲嘅關係就揀咗素食版有牛油果大啡菇炒滑蛋焗薯餅燒南瓜同埋沙律菜🥑首先牛油果唔需要評論啦正常新鮮順滑🍳炒蛋香滑有蛋味，應該用咗美國蛋🥗沙律菜應該落咗橄欖油油，我最鍾意嘅牛油生菜，又唔會好似火箭菜咁苦，甜甜哋小清新🍄大啡菇都係正常軟淋有炭燒嘅香味🥛至於個乳酪，上面有啲烘焙過嘅果仁同埋麥片，夾到真係冇得彈🥔西蘭花薯餅就同宜家傢俬嗰啲差唔多，不過西蘭花嘅份量就多啲咁囉🎃講到最失敗嘅係個小南瓜，超級乾，乾過撒哈拉沙漠，乾過我個銀行戶口，我個同事直頭冇食到，我呢啲咪做大嘥鬼先至夾硬食埋佢至於加$25餐飲就揀咗凍朱古力，無揀咖啡，因為唔想將激發到嘅精神浪費喺工作上面，不過呢杯朱古力係好淡，無好好嘅去控制個濃度，冰量，好似茶餐廳嗰啲偷工減料阿華田總括嚟講，都食得開心，一個月可以食一次🥰
同同事去黃埔花園海邊嘅Cafe食個靚早
既然去得就食過最勁嘅All Day Breakfast
想健康啲嘅關係就揀咗素食版
有牛油果大啡菇炒滑蛋焗薯餅燒南瓜同埋沙律菜
🥑首先牛油果唔需要評論啦正常新鮮順滑
🍳炒蛋香滑有蛋味，應該用咗美國蛋
🥗沙律菜應該落咗橄欖油油，我最鍾意嘅牛油生菜，又唔會好似火箭菜咁苦，甜甜哋小清新
🍄大啡菇都係正常軟淋有炭燒嘅香味
🥛至於個乳酪，上面有啲烘焙過嘅果仁同埋麥片，夾到真係冇得彈
🥔西蘭花薯餅就同宜家傢俬嗰啲差唔多，不過西蘭花嘅份量就多啲咁囉
🎃講到最失敗嘅係個小南瓜，超級乾，乾過撒哈拉沙漠，乾過我個銀行戶口，我個同事直頭冇食到，我呢啲咪做大嘥鬼先至夾硬食埋佢
至於加$25餐飲就揀咗凍朱古力，無揀咖啡，因為唔想將激發到嘅精神浪費喺工作上面，不過呢杯朱古力係好淡，無好好嘅去控制個濃度，冰量，好似茶餐廳嗰啲偷工減料阿華田
總括嚟講，都食得開心，一個月可以食一次🥰
All Day breakfast (veggi)
$178
158 瀏覽
0 讚好
0 留言
張貼
