影片
更多
2023-06-19
11 瀏覽
Bookmark 咗將軍澳海濱長廊呢間精品咖啡店「Urban Coffee Roaster」好耐，可惜每次經過都見到有人排隊，趁今日放假，特登早少少去。Cafe 佔地 3000呎，裝修以復古工業風為主，門口有一大幅英文藝術文字打卡牆。店內設有窗邊位，可以望著海景歎美食，環境好 Chill，感覺好舒服。餐牌選項好豐富，有 Brunch、沙律、湯、漢堡、意粉、飯、輕食及甜品等，點咗兩份早午餐同兩杯咖啡。煙三文魚賓尼迪 ($128) 賣相好靚仔，兩隻水波蛋嬌豔欲滴，用叉輕輕一壓即能感受到它的彈度。酸種多士烘得夠脆口，包芯軟熟得嚟有少少煙韌，入口帶濃郁麥香，配上咸味十足嘅煙三文魚，味道非常出色！ 英式早餐 ($138) 用料好豐富，有櫻桃蕃茄、大啡菇、煙肉、豬肉腸、炒蛋、沙律菜和 Sourdough。大啡菇肥大肉厚，炒蛋好滑，煙肉咸香可口，配搭肉汁濃郁嘅豬肉腸同新鮮脆口嘅沙律菜，清爽又不油膩。Dirty ($45) 髒髒咖啡賣相唔錯，上面係 double ristretto，而下面就放咗凍鮮奶，形成優美嘅分層效果。入口先嚐到濃縮咖啡嘅醇厚，接著是凍奶嘅香甜，味道新穎有層次！至於另一杯 C
Bookmark 咗將軍澳海濱長廊呢間精品咖啡店「Urban Coffee Roaster」好耐，可惜每次經過都見到有人排隊，趁今日放假，特登早少少去。
Cafe 佔地 3000呎，裝修以復古工業風為主，門口有一大幅英文藝術文字打卡牆。店內設有窗邊位，可以望著海景歎美食，環境好 Chill，感覺好舒服。
餐牌選項好豐富，有 Brunch、沙律、湯、漢堡、意粉、飯、輕食及甜品等，點咗兩份早午餐同兩杯咖啡。
煙三文魚賓尼迪 ($128) 賣相好靚仔，兩隻水波蛋嬌豔欲滴，用叉輕輕一壓即能感受到它的彈度。酸種多士烘得夠脆口，包芯軟熟得嚟有少少煙韌，入口帶濃郁麥香，配上咸味十足嘅煙三文魚，味道非常出色！ 
英式早餐 ($138) 用料好豐富，有櫻桃蕃茄、大啡菇、煙肉、豬肉腸、炒蛋、沙律菜和 Sourdough。大啡菇肥大肉厚，炒蛋好滑，煙肉咸香可口，配搭肉汁濃郁嘅豬肉腸同新鮮脆口嘅沙律菜，清爽又不油膩。
Dirty ($45) 髒髒咖啡賣相唔錯，上面係 double ristretto，而下面就放咗凍鮮奶，形成優美嘅分層效果。入口先嚐到濃縮咖啡嘅醇厚，接著是凍奶嘅香甜，味道新穎有層次！
至於另一杯 Caramel Latte ($52) 味道亦濃淡得宜，就算有冰都唔覺溝淡咖啡味，每一口都滿載焦糖甜香。
張貼
