影片
更多
2009-07-04
71 瀏覽
我住酒樓對面，因為係得佢一間獨市，所以成日都會幫襯。但自開張以來，食物質素每況愈下，初初還可以的，但近幾個月，真係唔再食得落，決定如非必要，唔會幫襯！我呢d退左休既，鍾意周圍去飲茶，去過全香港好多間酒樓，呢間係我食過，食物質素最差既一間！第一：蒸排骨呢樣簡直係極品，從來未食過咁難食既排骨，唔知點解以前間唔中仲會叫下，頂唔順啦！一籠唔係排骨既排骨，d肉係好”林”，”林”到 同肥豬肉d肥膏差唔多，由第一日幫襯到而家已經係咁，無改善過。近日再食，發現排骨既底部係紅色，仲要唔離骨，應該係唔熟。同部長講，請再蒸蒸他。部長話：「d肉係咁架，唔係新鮮豬，係冰鮮既，再蒸都係會咁！你叫過第二樣點心，我同你取消佢！」一口氣咁講晒，說罷急急拿走籠排骨，對唔住都無句，仲要死撐！我反應慢，來不及頂佢，其實我仲叫左排骨蒸飯，d排骨都係咁”林”，但離骨，又唔見蒸飯既排骨咁紅色？第二：叫油菜走油女侍應話：「我地d菜無油個wor！」我覺得態度頗差，黎到碟菜咪又係有油！第三：蒸魚D魚同豉油都淡而無味，豉油只係得個甜字，仲有我懷疑佢蒸魚同其他食物係用豬油整既，陣味好怪好’漏’，尤其是梅菜蒸鯇魚飯，極難入口！呢間野獨市生意，
第一：蒸排骨
呢樣簡直係極品，從來未食過咁難食既排骨，唔知點解以前間唔中仲會叫下，頂唔順啦！
一籠唔係排骨既排骨，d肉係好”林”，”林”到 同肥豬肉d肥膏差唔多，由第一日幫襯到而家已經係咁，無改善過。近日再食，發現排骨既底部係紅色，仲要唔離骨，應該係唔熟。同部長講，請再蒸蒸他。部長話：「d肉係咁架，唔係新鮮豬，係冰鮮既，再蒸都係會咁！你叫過第二樣點心，我同你取消佢！」一口氣咁講晒，說罷急急拿走籠排骨，對唔住都無句，仲要死撐！我反應慢，來不及頂佢，其實我仲叫左排骨蒸飯，d排骨都係咁”林”，但離骨，又唔見蒸飯既排骨咁紅色？
第二：叫油菜走油
女侍應話：「我地d菜無油個wor！」我覺得態度頗差，黎到碟菜咪又係有油！
第三：蒸魚
D魚同豉油都淡而無味，豉油只係得個甜字，仲有我懷疑佢蒸魚同其他食物係用豬油整既，陣味好怪好’漏’，尤其是梅菜蒸鯇魚飯，極難入口！
呢間野獨市生意，迫於無奈要幫襯，初初食物質素還可以接受，但d野食越來越差，我實在忍無可忍，叮叮飯仲好食過佢！
張貼