影片
更多
2024-06-01
46 瀏覽
👦🏻👧🏻拍拖紀念日，👦🏻就揀咗位於銅鑼灣Fashion Walk 嘅韓式高級餐廳 - Gyojasang好好慶祝🍾！整體嚟講食物質素相當不錯！今次閒日就比較早入座，但一到繁忙晚餐時段就立即滿座，建議大家預先訂座。🌟海膽生牛肉紫菜包飯呢一度嘅王牌菜式之一就係海膽生牛肉紫菜包飯，冇可能唔食！紫菜包飯嘅面層放上牛肉他他、海膽、黑魚子，牛肉他他冇過多嘅調味，感覺上只係用咗適量麻油，口感係有嚼勁；海膽Creamy又冇腥味，配上魚子醬就充滿鮮甜。紫菜飯卷同平時食開嘅差唔多，餡料有青瓜🥒、醃蘿蔔、甘筍絲同蛋絲。🌟炸青陽辣椒釀豬肉先用已去籽嘅青辣椒🫑釀入豬肉醉，再裹上一層好薄嘅麵包糠再炸，口感爽脆食落帶少少辣，有啲似食香港特色小食煎釀三寶。醬汁方面就有提供特調嘅蛋黃醬同韓式辣醬。🌟元祖蒜頭辣燉雞鍋(配泡菜炒飯)燉雞鍋可以揀原味同辣味，今次👦🏻👧🏻就揀咗辣味（少辣），燉雞湯底有唔少切粒蒜蓉，蒜蓉味香氣撲鼻，但蒜味唔會太停留喺口腔👍🏻。雞肉用上原隻雞再切件，肉質嫩滑，一啲都唔韌。份量相當多，絕對足夠4人食用。配料就仲有雞髀菇、薯仔、年糕、大蔥，全部都係索汁配料👍🏻。食完燉雞鍋，店員仲會𢳂起部分醬汁嚟煮泡菜
🌟海膽生牛肉紫菜包飯
呢一度嘅王牌菜式之一就係海膽生牛肉紫菜包飯，冇可能唔食！紫菜包飯嘅面層放上牛肉他他、海膽、黑魚子，牛肉他他冇過多嘅調味，感覺上只係用咗適量麻油，口感係有嚼勁；海膽Creamy又冇腥味，配上魚子醬就充滿鮮甜。紫菜飯卷同平時食開嘅差唔多，餡料有青瓜🥒、醃蘿蔔、甘筍絲同蛋絲。
🌟炸青陽辣椒釀豬肉
先用已去籽嘅青辣椒🫑釀入豬肉醉，再裹上一層好薄嘅麵包糠再炸，口感爽脆食落帶少少辣，有啲似食香港特色小食煎釀三寶。醬汁方面就有提供特調嘅蛋黃醬同韓式辣醬。
🌟元祖蒜頭辣燉雞鍋(配泡菜炒飯)
燉雞鍋可以揀原味同辣味，今次👦🏻👧🏻就揀咗辣味（少辣），燉雞湯底有唔少切粒蒜蓉，蒜蓉味香氣撲鼻，但蒜味唔會太停留喺口腔👍🏻。雞肉用上原隻雞再切件，肉質嫩滑，一啲都唔韌。份量相當多，絕對足夠4人食用。配料就仲有雞髀菇、薯仔、年糕、大蔥，全部都係索汁配料👍🏻。
食完燉雞鍋，店員仲會𢳂起部分醬汁嚟煮泡菜炒飯🥘，再加入紫菜碎，所以炒飯都係充滿蒜香。
🌟煎餅拼盤
煎餅拼盤就有齊泡菜煎餅同海鮮煎餅🫓，整體上煎餅煎得外脆，但內裏不失粉漿飽肚感同略帶煙韌，👧🏻就幾鐘意呢種質感。海鮮煎餅嘅餡料相當豐富，有齊魷魚🦑、蜆肉、銀魚仔等不同餡料，魷魚嘅軟腍，煎餅嘅香脆同炸得香脆嘅魚仔集在一身，啖啖滿足。而泡菜煎餅同樣惹味同香辣，都係好味😋。
🌟The Night Begins
👦🏻👧🏻就叫咗兩杯Cocktail，第一杯就係The Night Begins，用咗韓式燒酒(Seoul Night Soju)、青檸汁、蘋果醋、菠蘿汁等材料，配上和牛他他/其他紅肉都幾適合。
🌟See You
韓式橙味燒酒(Misang Jeju Citron Soju)、石榴果蓉、檸檬汁、蘋果梳打，味道相對清新又唔會太甜，適合配雞肉嚟飲。
張貼
