美心西餅 (佐敦站)

營業中

休息中

平日多數自己帶飯， 好少出街買嘢食，但生活中總有啲時候趕到要食包， 今日晏晝由紅磡出發去屯門， 時間緊迫，就同幾個朋友喺屯門站麵包舖度買麵包做午餐， 入到美心西餅諗住是但買個包，點知見到一個幾特別嘅新品... 肉鬆麵包糯米糍！其實望落果樣同普通肉鬆包冇分別， 心諗可能係伏， 但見其他包款已經食過十萬九千次唔想再翻兜， 就把心一橫伏都要試！估唔到又幾有驚喜喎， 麵包表面鋪上了唔少肉鬆， 一咬落裏裏面有一大嚿糯米糍， 雖然係麵糰一舊， 但甜甜地咁， 幾軟熟， 麵包裏面有啲煙靭靭嘅糯米糍感覺好新鮮有趣， 其實麵糰冇咩特別味道，所以同肉鬆都幾夾， 不過九蚊就嫌貴咗啲， 想試新品嘅朋友都不妨一試嘅。