茜廊餐廳 (天盛商場)

營業中

休息中

由門口走到最入面，發現原來餐廳都幾大，座位好寬闊，特別系卡位，軟座勁舒服，又有我最喜歡既蔚藍天空顏色。同以前去過九龍灣茜廊唔同，呢度又靚又新！因為座位比較大，而且裝修好有心思，墻畫玻璃拼圖砌字好有新意，地板台椅顏色好順眼，周圍環境背景音樂令人覺得勁紓緩壓力，係一種享受。食物等10分鐘都十分可以接受，因為嚟到都幾熱辣辣！終於擺脫某快活某家樂餐廳嘅壟斷，惗下，食物質素比快快趣更加重要。呢度咖啡好香好農，今次個牛角包啤我食到法國風味，因為外脆內軟。羅宋湯令西芹蔬菜有返味道！整體感覺好好，耳目一新！即刻介紹俾朋友下次再黎過。