影片
更多
2018-06-26
567 瀏覽
第二次光顧了!間中也會心思思想鋸下扒，但又唔係想食好鬼佬果種，所以有次朋友推介，便黎左試，起初見到個餐牌都打個突，唔洗嘛拿起手都佰幾二佰蚊個餐，值唔值呀點知。。。一黎到個扒餐鬼咁大份，質素仲唔差添，自始，一想食港式扒餐就會黎呢度套餐有湯跟餐包，主菜，甜品(布甸或啫喱)同餐飲湯我只飲羅宋湯，幾足料，唔錯餐包應該係叮熱的，ok啦我試過炸龍脷柳，非常脆口又試過牛扒，都唔錯最誇張係豬仔骨，上碟個樣十足原始人，一個人應該食唔哂，幾鬆軟可能油脂夠，食落似肥燶叉燒，但凍左好漏，要趁熱食一般如唔揀飯或意粉，由於碟飯或意粉死咁大碟，我拎可揀薯菜，菜無乜掂，但薯角就非常正甜品我試過啫喱同布甸，懷舊果隻囉，唔難食，但又唔會回味咁真心覺得好食，唯獨係無鐵板餐啫，有就更加perfect.仲有，想晚市幫襯就最好卜位，因真係好鬼死多人捧場，佢仲有樣好既就係唔會嫌你坐得耐，同埋唔洗等齊人先入得囉～
間中也會心思思想鋸下扒，但又唔係想食好鬼佬果種，所以有次朋友推介，便黎左試，起初見到個餐牌都打個突，唔洗嘛拿起手都佰幾二佰蚊個餐，值唔值呀
點知。。。
一黎到個扒餐鬼咁大份，質素仲唔差添，自始，一想食港式扒餐就會黎呢度
套餐有湯跟餐包，主菜，甜品(布甸或啫喱)同餐飲
湯我只飲羅宋湯，幾足料，唔錯
餐包應該係叮熱的，ok啦
我試過炸龍脷柳，非常脆口
又試過牛扒，都唔錯
最誇張係豬仔骨，上碟個樣十足原始人，一個人應該食唔哂，幾鬆軟可能油脂夠，食落似肥燶叉燒，但凍左好漏，要趁熱食
一般如唔揀飯或意粉，由於碟飯或意粉死咁大碟，我拎可揀薯菜，菜無乜掂，但薯角就非常正
甜品我試過啫喱同布甸，懷舊果隻囉，唔難食，但又唔會回味咁
真心覺得好食，唯獨係無鐵板餐啫，有就更加perfect.
仲有，想晚市幫襯就最好卜位，因真係好鬼死多人捧場，佢仲有樣好既就係唔會嫌你坐得耐，同埋唔洗等齊人先入得囉～
張貼
