影片
更多
2023-11-07
523 瀏覽
假期weekend同閨蜜好友呢度食好西chill下，以露營為主題，裡面既裝飾都係Camping風，仲有架露營車添! weekend仲會有Live Band，氣氛一流! 見到原來仲有戶外位，可以帶埋寵物來玩! 我地既3人晚餐就點左:.🥑牛油果蟹肉他他脆餅大量既牛油果蓉同蟹肉撈埋一齊，味道好香好夾! 脆餅薄而脆，連醬食好有口感!.🍢荔枝蘆筍煙肉串呢個組合幾有新鮮感! 大大片煙肉卷住荔枝同蘆筍，好有口感，味道有層次，鹹香與甜的交融，爽脆的口感，好特別!.🐟燒雞泡魚乾燒雞泡魚乾食落好似肉乾咁，好juicy好香，而且幾脆下，好適合佐酒!! .🍕清新柚子煙燻三文魚洋蔥薄餅雖然我唔想食Pizza驚好漏，但呢款Pizza真心有驚喜，必食! 呢款係薄批，好脆，而且加左柚子，成個味道真係昇華左，酸酸甜甜，加埋煙燻三文魚同洋蔥，真係好好食!!.🍖巨型豬扒配薯菜豬扒真係超巨型🤣 仲大過一個手掌咁，咁大塊，好難得仲要保持到成塊豬扒係熟得均勻之餘，肉質嫩滑，而且鎖住左肉汁，好juicy! 呢碟真係3個人share來食都得! 旁伴有薯條同沙律，唔錯!.🦞龍蝦汁海鮮意大利飯龍蝦汁好濃郁，意大利飯吸收哂醬汁好香好有口感
.
🥑牛油果蟹肉他他脆餅
大量既牛油果蓉同蟹肉撈埋一齊，味道好香好夾! 脆餅薄而脆，連醬食好有口感!
.
🍢荔枝蘆筍煙肉串
呢個組合幾有新鮮感! 大大片煙肉卷住荔枝同蘆筍，好有口感，味道有層次，鹹香與甜的交融，爽脆的口感，好特別!
.
🐟燒雞泡魚乾
燒雞泡魚乾食落好似肉乾咁，好juicy好香，而且幾脆下，好適合佐酒!!
.
🍕清新柚子煙燻三文魚洋蔥薄餅
雖然我唔想食Pizza驚好漏，但呢款Pizza真心有驚喜，必食! 呢款係薄批，好脆，而且加左柚子，成個味道真係昇華左，酸酸甜甜，加埋煙燻三文魚同洋蔥，真係好好食!!
.
🍖巨型豬扒配薯菜
豬扒真係超巨型🤣 仲大過一個手掌咁，咁大塊，好難得仲要保持到成塊豬扒係熟得均勻之餘，肉質嫩滑，而且鎖住左肉汁，好juicy! 呢碟真係3個人share來食都得! 旁伴有薯條同沙律，唔錯!
.
🦞龍蝦汁海鮮意大利飯
龍蝦汁好濃郁，意大利飯吸收哂醬汁好香好有口感，海鮮都幾多，有蝦、蜆肉同魷魚等，好豐富!
.
🥞伯爵茶玫瑰瀑布蛋糕配伯爵茶雪糕
賣相真係幾靚，仲有得玩! 本身會有膠片圍住蛋糕同玫瑰奶蓋，然後一拎起，粉紅色的玫瑰奶蓋就徐徐流下，覆蓋整個蛋糕，畫面好治瘉!!💕 蛋糕質地好鬆軟，玫瑰奶蓋充滿住玫瑰香，伯爵茶雪糕好濃郁，將三樣野撈埋一齊食，好正!
.
🍓好雙乳的莓莓
即係雜莓沙冰，超好味，莓味好濃郁，沙冰好幼滑!!
.
🍊紅都面哂
其實就係粉紅西柚梳打，賣相幾靚架，紅粉緋緋，仲插住支傘仔，味道好fresh，呢杯好解渴!!
.
🍋口水多過浪花
睇個名都笑左，呢杯係綠色既特飲，加左檸檬同薄荷好清涼，好適合講到口乾既閨蜜
.
食到咁上下，原來餐廳既staff仲會有玩遊戲既環節，女staff著住恐龍裝🤣 然後就由男staff做主持，帶領住恐龍仔同每枱客人玩包剪揼，好熱鬧🤣 而且當晚仲有客人生日，Live Band都即時彈奏生日歌，好有氣氛🤩 最後我地都算有嬴左粒糖同一杯手工啤🍺🤪 當晚真係好開心呢，無論係家人朋友情侶，都好適合來呢度!! 而且呢度仲有得包場!
9 瀏覽
0 讚好
0 留言
17 瀏覽
0 讚好
0 留言
9 瀏覽
0 讚好
0 留言
5 瀏覽
0 讚好
0 留言
6 瀏覽
0 讚好
0 留言
7 瀏覽
0 讚好
0 留言
7 瀏覽
0 讚好
0 留言
7 瀏覽
0 讚好
0 留言
7 瀏覽
0 讚好
0 留言
張貼
