金寶泰國菜館

營業中

休息中

放工後同朋友去九龍城按摩，按完好肚餓，本身想去果一間泰國餐廳太多人排隊，於是去左呢間，因為好彩唔太多人排，等左十分鐘左右都入得，所以直接食呢間。佢有兩間鋪，係連住係隔離的，環境都幾舒服，有泰國氣氛ＸＤ　但冷氣吹到正我地坐果個位，太凍了～食物上枱一陣好快就凍左，可以改善!!泰式大蝦柚子沙律大蝦有６隻，柚子唔算多，但味道ＯＫ，味道唔會偏酸／偏辣，都幾開胃。泰式炒粉絲粉絲炒得濕乾得宜，唔會吸哂汁好乾，可以再叫ＸＤ覺得比起炒金邊炒入味！海鮮炒金邊粉每啖都有蛋絲，唔會好油，金邊粉好in un, 小小QQ的。海鮮東蔭公湯一上枱已經好香好吸引，飲落唔會好辣，酸辣岩岩好，望落好似咖哩咁，好重味Ｙｕｍｍｙ！雜菜青咖哩煲就咁飲都覺得好好味，會飲到Ｄ椰汁味，配飯應該可以食好多。不過唔想食飯所以就叫左蒜蓉包點湯食，一樣好味！泰式奶茶可以揀少甜，這很好，因為泰式奶茶就係好甜～所以有得揀少甜個心會好過Ｄ哈哈！泰式拼盤係雞肉的菜色，雞肉用河業包住好cute，入面仲有蝦。