滙泉居

營業中

休息中

同係附近返工既朋友聚舊，想搵個唔係點趕人走既地方坐下傾下計，佢就帶左我黎呢到啦。我地坐低後，都仲未叫野食，已經有熱茶招待，揀左好耐都揀唔到食咩，都無催我地快D落單，認真唔錯。一行2人叫左2個餐，一個係客飯套餐，有一個小菜，一個白飯同埋一杯豆漿，小菜我地揀左糖醋魚片。另一個餐我地揀左豬扒四川擔擔麵，包豆漿一杯。糖醋魚片賣相非常好，甜酸度適中，魚片比較諗，開胃之餘仲幾易入口。豬扒四川擔擔麵既豬扒係碎上，完全唔似豬扒，擔擔麵湯底有少少過濃，但都幾好味。唯一唔好處既就係豆漿味道過淡，有待改善。食完主菜之後仲有綠豆沙送，本人對呢樣甜品興趣不大加上已經幾飽下，無咩點食過佢。呢到唔洗加一唔洗茶錢，平均每人都係60蚊左右，如果想係太古坊搵個坐到成個鐘既地方，呢到真係唔錯既選擇。