鑽石冰室

營業中

休息中

呢日放左學之後，有啲野要過黎彩虹。記得有間鑽石冰室，不過我竟然迷失方向，差啲搵唔到粒"鑽石"。最後，當然俾我搵到啦。入到去，好有時光倒流既感覺。舊式收銀機、天花板既吊扇，處處充滿懷舊感覺。希望呢啲咁有風味既冰室，唔會因為時代進步而淘汰啦。火腿奄列、牛油餐包，個奄列既蛋都整得幾滑。而且火腿既份量都幾多，味道都唔錯。份量都足夠既，只不過個多士只係普通既白麵包。不吃也沒有損失。品嚐過美味既奄列後，之後既叉燒湯意粉令我大開眼界。因為那意粉發脹得有如公仔麵一樣，而且意粉係淋到一咬就斷開。此外，叉燒竟然一啲味都無，真係估佢唔到。結果，我要狂加胡椒粉先有小小味。食完個意粉，真係食到滴哂汗。去到如斯田地，只可飲杯凍奶茶下下火吧。慶幸，杯奶茶無令我失望。茶味係茶記既味道。而且奶既份量適中，只有呢杯奶茶先可以令我下火。如果體驗懷舊冰室，呢間都算唔錯既選擇。不過食物就一般般，只有凍奶茶及奄列令我滿意，其他不吃也罷。