影片
更多
2009-01-09
105 瀏覽
今日又飲啦…因為又有BB 出世。冇計啦…屋企係大家族。一年總有幾次係大大型的家庭眾會。今日又去左我地家族的御用廚房開餐因為某某的老豆係大廚(唔清楚，只係知高級...) 之一... 所以次次張餐單都會有d 新野加埋我地鍾意食既野落去，保証大家都滿戴而歸。好啦…講多咁多係時候講下今晚果餐啦。今晚都好好餸…可惜太夜…我同我表表太肚餓…開飯前走落去買左一塊cookie...結果...haha........我仲要食doble chocolate....講起又講，未起菜前呢有炸得好香好脆的腰果同埋核桃...用黎一路送啤酒一路傾下計就最好，尤其是個核桃，bb 地好鍾意食。因為唔太甜但係又脆脆地…今晚真係好好餸哦。首先呢就係個拼盤。入面有生炒骨，乳豬，豬手同埋好蟃魚feel 的鱔…平時唔多鍾意食鱔既我都食左一件…因為特別平時鱔俾我既感覺都係有陣怪味同埋食落怪怪地。今日佢俾我既感覺係好爽…仲好食個饅魚。呢個拼盤的乳豬大大件，仲好脆皮，又唔算肥，肉都夠滑。but好似黑左少少…咕嚕肉好脆，肉鮮，汁夠醒胃可惜多左少少同埋配菜好似煮得過左少少火位。豬手…"白雲豬手" hummm 好爽，好好食…但係未"monk
因為又有BB 出世。冇計啦…屋企係大家族。一年總有幾次係大大型的家庭眾會。
今日又去左我地家族的御用廚房開餐
因為某某的老豆係大廚(唔清楚，只係知高級...) 之一... 所以次次張餐單都會有d 新野加埋我地鍾意食既野落去，保証大家都滿戴而歸。
好啦…講多咁多係時候講下今晚果餐啦。
今晚都好好餸…可惜太夜…我同我表表太肚餓…開飯前走落去買左一塊cookie...結果...
haha........我仲要食doble chocolate....
講起又講，未起菜前呢有炸得好香好脆的腰果同埋核桃...用黎一路送啤酒一路傾下計就最好，尤其是個核桃，bb 地好鍾意食。因為唔太甜但係又脆脆地…
今晚真係好好餸哦。
首先呢就係個拼盤。
入面有生炒骨，乳豬，豬手同埋好蟃魚feel 的鱔…
平時唔多鍾意食鱔既我都食左一件…因為特別
平時鱔俾我既感覺都係有陣怪味同埋食落怪怪地。
今日佢俾我既感覺係好爽…仲好食個饅魚。
呢個拼盤的乳豬大大件，仲好脆皮，又唔算肥，肉都夠滑。but好似黑左少少…
咕嚕肉好脆，肉鮮，汁夠醒胃可惜多左少少同埋配菜好似煮得過左少少火位。
豬手…"白雲豬手" hummm 好爽，好好食…但係未"monk" 乾淨d 豬毛
我最怕毛……
第二味就係
貴妃蚌帶子…帶子鮮甜，但係我愛北海道帶子多d
蚌好爽，煮的時間岩岩好。因為一過火就似食橡皮筋。
豆角雖鮮，翠緣。可惜…有豆衣啊....(最唔鍾意食到的物體之一)
第三味就係
多子瑤柱脯
呢一味好普通…但瑤柱大大粒…唔太"un"但係一夾就散。
個汁加埋菜做得幾好…
但係果種似白菜的菜(綠食莖，大大條果d) 唔係咁多人鍾意食因為老既話會好多"咋"
可以好肯定佢冇落味精。因為成晚都只係飲左半杯茶……少有飲咁少水都唔覺口渴
第四道菜就係
珍珠蟹蚶伴蝦球
嘩，蟹蚶不再寂寞因為有好大件好綠的西蘭花
好大粒好圓潤的蝦球陪住
個外觀同埋賣相十分好。
食落呢，蝦好新鮮，又爽。
而蟹蚶雖然唔算大舊但都食到佢的味道
第五道菜
我最愛的 翅
蟹肉雞絲生翅
論翅的數量咁緊係少過我上兩個week 去飲果餐……
但係味道都不俗，雞肉同蟹肉比例剛剛好。
十分好啊。今晚我仲可以食多碗... 好野……
最可借個翅真係少左dd 咁...
食到一半我都好夠...但係要繼續試埋其餘果d..... 好飽啊
第六道菜呢
北菰刺蔘扣鵝掌
eee 呢道菜反應一般…點解?
因為好多時食到呢個位大家都飽左6-7成…
呢個情況…不止發生一次……今次算好。
我地呢班細路唔要北菰刺蔘同鵝掌反而要碟內的豆苖
豆苖，豆苖，豆苖啊……
呢種菜亦都係我既至愛。
但係同時…發現左……海蔘…
好爽啊，仲好甜。但係真係冇咁大個胃去試鵝掌同菰lu....
加油啊……仲有..
第七道菜steam 雙斑
主持人果然細心。
因為大斑的肉可能較老同埋較"鞋"
所以用兩條細d 的斑去取代
嘩，肉質好甜，好滑，個汁仲好好食
但係都係一句，好飽…食唔落。再食就真係食唔到甜品。
第八道 蒜香脆燒雞
同炸子雞有少少唔同
呢個唔鹹仲有蒜香味
個皮都係好脆，d 肉仲好骨。
但係唔係件件都跟好多皮… …同埋呢碟骨都算多。
結果我都食左兩三件……少有(平時我唔係咁鍾意食加上好多時食到呢度就飽晒)
第九道菜
臘味粒炒飯…好香，不過冇食到
因為食唔落。 但係見到料同飯係一半一半…嘩.. 如果食埋今晚真係唔洗訓
第十道菜
漁湯漁腐米線
嘩正…我好飽，結果我只係飲湯同埋食一兩條米線
加一兩粒漁腐，嘩好美妙啊。
首先講下粒杞子…食到甜味加埋魚湯，好甜
魚湯唔鹹，又唔腥。魚腐好滑，但係魚味就好似唔夠啦
but我都飲左兩碗湯
最後啦…甜品啦
核桃露加黑芝麻湯圓。
唔好意思，我對核桃露就興趣不太，但係試左兩啖
好香好滑，唔算好甜。
湯圓就真係甜左d，連塊皮都甜。不過唔係勁甜果隻。
幾清。
當然仲有笑口"組" 呢個唔講…太普通
我當然要留返時間去品嚐下以下我介紹的甜品
波蘿西米撻，新鮮出爐啦。
熱辣辣，超香
個皮好鬆化好似食緊波蘿包咁
但係又唔係好油....
入面的西米同埋個filling好夾。西米粒粒都咁上下大細，而且唔太甜…
又唔漏，一個幾好的製作。我係好飽既情況下食晒
真係好完美。
最後仲有冰"震"水果盤…蜜瓜西瓜哈蜜瓜....... 但係唔明天氣咁凍都同冰"震"....
不過呢今晚冇左我屋企人最鍾意的既 ｛批/撻｝
入面係有內臟。好抱歉我就真係唔識欣賞呢件咁既野……
因為我唔食內臟...諗起都打冷震....
好彩呢件野冇出現啫
但係鍾意食內臟的你地，去到名都有機會真係要試下。
老實d 講…d 野唔算話好好食。但係我覺得如果5粒星係滿分既話
呢間絕對可以拎4星。
張貼
