Foxglove

營業中

休息中

兩年前好鍾意去Foxglove 聽佢哋嘅Jazz Live Performance ，雖然而家冇得睇live表演，但係發現Foxglove轉左形式，而家會有點心晚餐，所以就同我個妹去試吓，順便回味下Foxglove 嘅氣氛。我睇到個Menu，有好多嘢都想試吓，今晚就試咗四川擔擔麵同埋紅燒牛肉麵，餐廳非常細心，知道我哋想share兩個麵都試吓，就幫我哋分開埋一人份量嘅各款各一碗，值得一讚。喺酒吧食麵，真係第一次，感覺好特別。另外再叫咗一碟安格斯牛肉包，牛肉嘅黑椒辣辣地，但係安格斯牛嘅味道突出，牛肉多汁。再叫咗少少炸物，有海膽芝士蝦春卷，同埋炸薯條。非常之鍾意海膽芝士蝦春卷，芝士味非常濃郁突出。今晚好開心，呢一個經驗非常之震撼我嘅感官，去酒吧食一啲平時唔會喺酒吧出現嘅嘢，而且食物創新同埋出色。