影片
更多
2022-11-07
592 瀏覽
見到屯門有新店，緊係要入去試下。我之前係銅鑼灣分店食過，覺得冇心目中咁好食，但既然佢係屯門開左店，就比多次機會佢。一入到去，個走廊都好寬敞，完全唔會驚人撞人。緊住一坐低就見到menu係枱上面，其實食壽司既地方，我會比較prefer間店係用QRcode落單或者紙tick野食，因為食物種類較多，要叫既野都較多，唔駛記住自己要叫咩，但係間店暫時只有人手落單。一開始就緊係叫左壽司先。有d壽司係兩嚿一碟，好似左口魚同鰻魚，有d係一嚿一碟，好似係馬糞海膽、中吞拿魚魚腩，另外，亦有d壽司三點。馬糞海膽 $87 一件vs普通海膽 $80（連帶子同三文魚子）馬糞海膽壽司係時價要問店員先知，個日既價錢係$87一嚿。馬糞海膽味道鮮甜，完全唔會有腥味，我覺得係值得推薦。另外，叫左壽司三點入面有個海膽壽司，我唔太建議再叫，因為個海膽味道不太新鮮，有d好似街市既臭味，有時食到其他壽司店既海膽壽司都會有依d味道，而且包住海膽個塊紫菜真係有d淋。帶子壽司就普普通通，沒有什麼特別，有帶子鮮味，再未到好驚艷，但個壽司飯比較黏，一嚿嚿咁，同其他壽司有d唔同。三文魚子壽司都係普普通通，同係其他壽司店差唔多，再個紫菜都係好淋。
一入到去，個走廊都好寬敞，完全唔會驚人撞人。
緊住一坐低就見到menu係枱上面，其實食壽司既地方，我會比較prefer間店係用QRcode落單或者紙tick野食，因為食物種類較多，要叫既野都較多，唔駛記住自己要叫咩，但係間店暫時只有人手落單。
一開始就緊係叫左壽司先。有d壽司係兩嚿一碟，好似左口魚同鰻魚，有d係一嚿一碟，好似係馬糞海膽、中吞拿魚魚腩，另外，亦有d壽司三點。
馬糞海膽 $87 一件vs普通海膽 $80（連帶子同三文魚子）
馬糞海膽壽司係時價要問店員先知，個日既價錢係$87一嚿。馬糞海膽味道鮮甜，完全唔會有腥味，我覺得係值得推薦。另外，叫左壽司三點入面有個海膽壽司，我唔太建議再叫，因為個海膽味道不太新鮮，有d好似街市既臭味，有時食到其他壽司店既海膽壽司都會有依d味道，而且包住海膽個塊紫菜真係有d淋。
帶子壽司就普普通通，沒有什麼特別，有帶子鮮味，再未到好驚艷，但個壽司飯比較黏，一嚿嚿咁，同其他壽司有d唔同。
三文魚子壽司都係普普通通，同係其他壽司店差唔多，再個紫菜都係好淋。
原條海鰻$70 一件 vs鰻魚壽司$38兩件
原條海鰻壽司
$70
75 瀏覽
0 讚好
0 留言
原條海鰻既長度十分長，師傅冇將蒲汁預先淋係魚上，佢放左一小包係碟邊比你自己淋，海鰻味道新鮮，皮有彈性，肉唔會鬆散，加上少許蒲汁，帶有少少甜味，但又比平時既鰻魚汁冇咁甜，唔會搶過鰻魚鮮味，但比起出面有d有得食海鰻既日本鋪，外皮香脆又有油脂香味既就比較遜色。鰻魚壽司就本身有蒲汁係上面，魚肉都唔會鬆散，但蒲汁就蓋過左魚味，但價錢比較相宜，如果好鍾意食鰻魚壽司既都可以試下。
左口魚 $42兩件 （可灸燒/不灸燒）
我一向都好鍾意食左口魚。之前係出面食過一d左口魚，灸燒完有d油脂香味，又有少少爽口，一試愛上。而千兩都有油脂香同爽口，但嫌有d位置帶有d根，唔會去到好難咬斷，但都係有d瑕疵。雖然如此，我實在太愛左口魚既香味，所以下次再黎，依然會叫。
中吞拿魚腩 $38一件
其實對中吞拿魚腩有d失望，因為比較瘦，冇吞拿魚腩既油脂香，亦都未有魚鮮味，平時係其他壽司店中吞拿魚腩已經會有油脂香，雖然未去到有根，但都唔太推薦。可能下次可以試下大吞拿魚腩，因為相中看似會比較多油脂。
雜錦天婦羅烏冬 （蝦、蕃薯、南瓜）
天婦羅烏東
$58
84 瀏覽
1 讚好
0 留言
烏東係屬於稻庭烏東，比較扁同寬，而且熱辣辣，雖然唔算好彈牙，但都順滑，又唔會太淋。
如果下次係屯門想食壽司，可能未必會第一個諗到依間，因為食物質素平平，價錢都唔算平，同區可能會先考慮元氣同壽司郎，如果冇位就會再考慮千兩。
張貼
