蒸廬 (Plaza88)

營業中

休息中

廬・二人套餐（$238）花膠蟲草花栗子燉土雞湯，好熱，好大盅，湯料足，湯水好清帶有淡淡甜味。黨蔘天麻川芎燉魚頭湯，呢款清得嚟味道濃，魚頭燉到骨都化哂，飲到底味道更濃郁。金銀蒜芋絲臘腸排骨荷葉蒸飯，一上枱好香芋頭味，份量比預期中大，除咗臘腸排骨，更配以不少蔬菜，飯底蒸得好乾身。蟹籽燒賣皇，比坊間大粒，入面嘅肥豬肉份量亦比坊間少。晶瑩蝦餃皇，同樣大大粒，皮薄，餡足。XO秘醬蒸鳳爪，味道正常。香芋紫米露，勁多紫米，味道正常。呢個套餐，樣樣都大大份，又足料，其實三個人都夠食。而且全部都熱辣辣，即叫即蒸，我好欣賞。