蒸廬 (Plaza88)

有時要做孤獨的美食家，快快食完開工，想食點心，呢度有點心拼盆，啱晒！馬蹄糕係驚喜，煙勒得來又爽脆，可能用蒸，無左煎果陣油味，成塊糕清新左好多！跟住有D 貪心，想食凍甜品，芝麻糕好吸引，濃濃的芝麻香，軟滑，都飽左，仲一件接一件，食晒！之後又去幫襯，唔想次次點心拼盤，想食咩就叫咩！雲石芝麻包，外型好靚！入面芝麻餡流架！有花生做配角令味道有D 層次，我幾中意！蝦餃係足料的，同酒樓差唔多。煎腸粉煎得好好，外皮脆的，但又唔會乾同油，很平均！最後送左碗紫米露，裡面有粒粒芋頭，唔錯！叉完電，開工！…查看更多

地道蒸飯＋養生燉湯｜食得飽又食得補💪🍵🥢 南瓜鳳爪排骨荷葉蒸飯打開竹籠一刻已經香氣撲鼻～荷葉香包住粒粒分明的米飯，飯底吸滿南瓜甜味同排骨精華✨👉 鳳爪炆得超腍入味，排骨亦唔油膩，仲輔多菜多南瓜，配搭豐富又養眼～絕對係「多菜＋多層次」既蒸飯代表🍚💚🍲 印度椰子合桃腰果燉上肉湯用整個椰子入湯，飲落有淡淡椰香🌴配合合桃、腰果等滋潤材料，溫潤唔燥！裡面嘅上肉仲炆得好入味，夠晒軟腍～真係暖胃又補身💛📸 呢種中式竹蒸籠＋燉盅，又唔會太heavy，最啱一人晚餐合共103元的套餐…查看更多

新式點心舖 ✌🏻🩷 全部都係自己整 好有心思 又夠新榮 好有驚喜！下次同屋企人飲茶飲到悶 可以過來試試🤣 價錢親民 員工又好friendly分店：啟德/沙田/荃灣蒸廬拼美點 (9件）($64) 首先如果你係自己一個來 又乜都想試下 一定要叫呢個！餐廳超級貼心 解決左 大部分人點解唔一個人自己飲茶既問題🧡🫖 我暫時係呢到最鍾意係 抹茶流心叉燒包🍵、燒賣、鮮蝦菜苗蝦餃🦐🥟滿足斑蘭咖央蝦盞 ($45)斑蘭醬幾香 含有少少椰汁味🥥 同埋罐頭蜜桃🍑 甜甜哋 醬汁下面係一粒充滿蝦既炸雲吞！紫金麻糬香芊包 ($42) 無論系麵包皮定係餡料都有滿滿的芋頭味 食到中間又有煙韌既麻糬 整體來講唔會太過heavy 可以接受的🍠冬菇蟲草花雞肉燒賣 ($35) 我幾鍾意呢個 又食到淡淡雞肉🍗 又有一粒粒冬菇/蟲草花 口感豐富 下次會再叫呢個！韭菜黃金魚餅🫔 ($35) 外皮係腐皮 炸得好脆 又唔會太油膩 裡面的魚應該是鯪魚肉 可惜唔係食到太多韭菜🥬瑤柱蝦滑釀魚肚 ($45) 蝦滑好彈牙 蝦味鮮甜🦐 魚肚好淋 油好掛汁！味道：🪩🪩🪩🪩/5 📍蒸廬 (荃灣)地址：荃灣楊屋道88號Plaza88 1樓107-108號舖…查看更多

蒸廬啲嘢出曬名好食大家都知. 對於經常喺荃灣搵食嘅人來講蒸廬喺荃灣有分店係一件好開心嘅事. 雖然位置並唔係核心地段, 但都鄰近同埋有天橋駁通主要商場, 都好方便！我最鍾意食蒸廬嘅點心同蒸飯. 蝦餃更加係精選中嘅精選. 細個嘅時候曾經喺酒樓食過一啲好好食嘅蝦餃，但過去幾十年嘅香港，好食嘅蝦餃好似消失咗. 都市傳說話九七前後有大量經驗豐富嘅點心師傅移民外地, 所以導致人才同味道同時流失. 不論是否屬實，自己的確喺香港尋尋覓覓搵咗好多年都搵唔到. 直至開始幫襯蒸廬@荃灣, 好食嘅蝦餃味道終於返返嚟. 不用我多講試過你就知㗎喇！😋😋對於畀味精荼毒多年嘅香港人(包括我自己)來講, 初嘗蒸廬會覺得味道有啲淡,冇乜好食. 但個人認為幫襯蒸廬係讓自己味覺重新啟動嘅一個好機會. 喺蒸廬我會真正品嚐到食物嘅味道, 唔會係一味靠味精搭夠食到大家眼乾乾口乾乾嗰種技倆.繁忙時間嘅蒸廬@荃灣人龍都好長, 滿坐時嘅舖頭都算有啲擠迫, 大家去幫襯嘅時候就要有心理準備未必會坐得好舒服. 遇著繁忙時間我食完就會馬上埋單走, 好讓其他排隊嘅朋友可以快啲入座. 今日我讓人他日別人又會讓我, 來來又回回, 大家都會開心.如果可以嘅話我建議大家選擇非繁忙時間去幫襯蒸廬@荃灣. 在可行嘅情況下侍應姐姐們都會好樂意為大家安排較舒適嘅座位讓大家可以慢慢嘆 - 好好享受精緻美食同埋殷勤服務.舖頭地方雖然唔係大但仍然可以盡量做到輪椅友善安排真係好難得. 讓輪椅人士亦可以舒適入座同家人朋友共享美好時光. 多得一班細心嘅侍應姐姐從客人需要出發, 努力去安排同協調. 好抵讚!🥰🥰一間地區小店能夠做到咁優質嘅食物同服務水平去邊度搵呢？有冇乜嘢cp值可以計下嘅呢？荃灣人香港人一定識得揀!…查看更多

響荃灣Plaza88經過幾次見幾多人食今晚終於試下😝🙌🙌值得一試既小店～食物質素和服務都唔錯👍蒸飯、燉湯、點心幾多款式即叫即蒸熱辣辣🔥🔥都幾抵食❗️我地叫咗個$248二人餐：🔸黑椒蒜香美國牛仔骨飯🐮🥩🥩🥬🍚荷葉飯份量十足，個蒸籠幾大個。牛仔骨嘅味道都幾嫩滑，醬汁似黑椒金錢肚幾惹味～面頭重鋪上好多菜心粒、草菇幾健康👍🔸黨蔘天麻川弓燉魚頭湯🐟🐟🔸花膠蟲草花栗子燉土雞湯🐔🐔🌰兩款原盅燉湯非常足料！無味精的感覺，香濃藥材味好味道又有營養😋😋非常啱冬天飲！🔸晶瑩蝦餃皇🦐🦐🔸蟹籽燒賣皇🔸抹茶流汁叉燒包點心都大粒飽滿🤩蝦餃大隻但皮有少少偏厚燒賣新鮮彈牙，叉燒包都好好食，外層有抹茶香，蜜汁叉燒甜而不膩❣️🔸甜品香芋紫米露。滿足的一餐🤤🤤…查看更多