Interval (The LOHAS康城) (已結業)

餐廳裝修簡潔以白色為主題, 畀客人感覺清新寬敞, 設有梳化坐位和吧櫈座位, 大平台外還有很多露天座位, 給客人多些選擇。餐廳內播放柔和嘅英文歌曲令客人食得舒適。要大讚既係服務態度同禮貌都非常好，員工們做野敏捷反應快，仲睇得出有團隊合作。薯仔忌廉湯熱辣辣嘅忌廉湯,內有煙肉,西蘭花,麵包粒,初榨橄欖油,香濃的煙肉吾會太咸而且有口感。龍蝦湯意大利粉伴大蝦意大利粉除咗有大蝦還有蕃茄,羅勒,紅椒油,鮮甜嘅龍蝦湯配彈牙嘅大蝦和意大利粉。油封三文魚三文魚配鮮蘆筍,檸檬,蒔蘿油,忌廉汁,三文魚煎到皮脆肉嫩,吾會乾,能保持肉汁,檸檬能帶出三文魚的鮮味。羽衣甘藍凱撒沙律沙律除左主角羽衣甘藍還有風乾車厘茄,芝士和炸麵包條,酸酸甜甜的沙律汁非常開胃。