The Salted Pig (新都會廣場) (已結業)

去葵芳行街街，想坐得舒服食餐飯就得葵芳新都會廣場。6點幾好幾個餐廳已經大排長龍，見呢間人流無咁誇張唔洗等太耐，等咗10分鐘就有位啦! 因為唔知食咩好隨意睇圖選菜。第一個到嘅係Crab Cake，炸得金黃色配上適量蛋黃醬味道不錯，食到蟹肉，但係稍嫌干身。番茄八爪魚味道唔錯，八爪魚唔會韌，配菜麵包熱熱地食落煙韌。Tuna Salad 唔會太鹹，伴有新鮮西生菜, 菠菜, 火箭菜同小番茄，配上半生熟雞蛋幾爽口。最低分反而是risotto，其實白汁煮得唔錯松露味道濃郁，但裡面實在太生，雖然話義大利飯芯唔係全熟才是正宗，但都唔係生咯…咬落去個芯係硬嘅…如果熟少少個汁吸耐d應該會更好味……