影片
更多
2016-08-13
199 瀏覽
為左打食評而申請account.今日同朋友去完SAA後，打算到附近隨便食啲嘢，咁啱見到呢間＂大名鼎鼎＂嘅佳記甜品，就去試一下。佢地啲安排雜亂無章，嗰呀姐叫我地排隊等，我地四個就慢慢等，點知就一直有啲情侶，一屋大細一直walk in ，最好笑係啲人一走，佢地就zip位坐，啲呀姐又由得佢地，咁我想問你地同迪士尼有咩分別？條隊愈排愈後，形同虛設。之後又等左一陣終於到我地，就快速叫嘢食啦，叫左雞翼尖，豬皮，凉粉，班戟等。我諗呢間店唯一可取之處就係嘢食好快上，但食物質素就一般，冇啲人吹噓得咁此貨只應天上有，最起碼我唔會特登由九龍站入黎你元朗食。可能大家認為我過分挑剔，但因為以下一件事我認為呢間嘢完全店大欺客。當我地食得七七八八時，個呀姐就似等足一世紀咁，即刻收走我啲嘢食，大佬啊，我仲有啲雞翼尖未食曬，佢個反射弧真係深令在下佩服。Ok fine.我就準備去俾錢啦，點知先發現佢收埋我地張單，掃檯時掃走埋。我個朋友就即刻好有禮貌叫個呀姐黎，講話唔好意思，你頭先拎埋我地張單走呀，個呀姐一支箭就沖左落去搵，當然有冇真係搵我就唔知。佢行返黎，發曬脾氣話，我搵曬個桶都冇喎，係咪你地收埋左，天啊，好大嘅官威，連
今日同朋友去完SAA後，
打算到附近隨便食啲嘢，
咁啱見到呢間＂大名鼎鼎＂嘅佳記甜品，就去試一下。
佢地啲安排雜亂無章，嗰呀姐叫我地排隊等，我地四個就慢慢等，點知就一直有啲情侶，一屋大細一直walk in ，最好笑係啲人一走，佢地就zip位坐，啲呀姐又由得佢地，咁我想問你地同迪士尼有咩分別？條隊愈排愈後，形同虛設。
之後又等左一陣終於到我地，就快速叫嘢食啦，叫左雞翼尖，豬皮，凉粉，班戟等。我諗呢間店唯一可取之處就係嘢食好快上，但食物質素就一般，冇啲人吹噓得咁此貨只應天上有，最起碼我唔會特登由九龍站入黎你元朗食。
可能大家認為我過分挑剔，但因為以下一件事我認為呢間嘢完全店大欺客。
當我地食得七七八八時，個呀姐就似等足一世紀咁，即刻收走我啲嘢食，大佬啊，我仲有啲雞翼尖未食曬，佢個反射弧真係深令在下佩服。
Ok fine.我就準備去俾錢啦，點知先發現佢收埋我地張單，掃檯時掃走埋。我個朋友就即刻好有禮貌叫個呀姐黎，講話唔好意思，你頭先拎埋我地張單走呀，個呀姐一支箭就沖左落去搵，當然有冇真係搵我就唔知。佢行返黎，發曬脾氣話，我搵曬個桶都冇喎，係咪你地收埋左，天啊，好大嘅官威，連法庭都係無罪推定，你一黎就話係我地問題,excuse me ??我就好聲好氣話，你放左張單個桶喺呢層，唔係下面喎。
或者個呀姐有選擇性失聰，完全聽唔到我講嘢，佢就大大聲疾呼話，我冇收你地張單，我冇，你而家冇單，點俾錢？
我完全明白點解個呀姐要大聲叫，我聲大我有理，佢已經成功引起所有人注意，想置我地於不義，想屈我地想走數。
其實你可以睇返你地嘅閉路電視，影曬事發經過，你就唔洗當我地係咩走數嘅人啦。不過到時候道理就唔喺你嗰邊。
最後佢死死氣幫我地寫返張單，我地如實相告曬食左啲咩，但個呀姐就一直懷疑我地講少左，又話有冇食腸仔，魚蛋，講左2,3次。
其實我點解要呃你個幾蚊？你地啲凉粉貴到咁我都冇少報，我要為左幾蚊腸仔呃你？
客人當然唔係上帝，我只想大家互相尊重，請不要自恃名氣大把顧客當討飯的。我給予應有尊重，可惜換黎嘅只有待應生為左掩飾自己過失而先聲奪人給予顧客嘅侮辱。
我冇心要抹黑，當然我呢個食評都十分微不足道，只係與其要吞氣忍氣，我寧願抒發一下，祝福慕名而來的各位唔會有如斯侮辱。
張貼