影片
更多
2024-05-17
445 瀏覽
相約好友共進晚餐，佢話要食燒肉，俾佢帶咗我嚟呢間「西塔老太太烤肉」。餐牌款式都算多，可以叫套餐，或者散叫，我哋一直好糾結…諗咗好耐結果都係決定散叫😝喺我哋未嗌嘢食之前，枱上面已經有一堆嘅前菜同埋醬料。醬料方面特別推介芝麻醬+醬油+醋，第一次試，覺得好香好好食😋但其實烤肉汁、辣汁同乾料都正👍🏻可以搭配唔同嘅食物。前菜方面，朋友特別喜愛薯仔沙律😆話有陣好香嘅蛋味🤣以下講吓我哋叫咗咩食1. 香辣拌魚皮: 冷盤的香辣拌魚皮，魚皮有爽脆的口感, 加上花生嘅香脆，調味酸甜微辣，係一道增加食慾的菜。2. 老太太特色肥瘦: 肉質鮮嫩，肥瘦適中，好味！3. 厚切牛舌:外層燒到焦香，內裡依然保持牛肉的嫩滑，堪稱一絕。4. 厚切豬五花:油脂適中，入口香口！5. 墨魚腸:呢個墨魚腸有驚喜到我，因為一來份量比想像中多，二來燒完後外酥內軟，仲有汁㗎！6. 辣白菜:好大份嘅辣白菜🤣叫佢係為咗爽口解膩，好好食😋酸甜微辣的口感，完全能夠平衡燒肉的濃郁。除此之外，為我哋服務嘅員工態度非常好，又細心，不停為我哋添茶，全程為我哋燒肉。認真！佢嘅燒肉技巧為食物加咗好多分👍🏻值得一試嘅店！
餐牌款式都算多，可以叫套餐，或者散叫，我哋一直好糾結…諗咗好耐結果都係決定散叫😝
喺我哋未嗌嘢食之前，枱上面已經有一堆嘅前菜同埋醬料。醬料方面特別推介芝麻醬+醬油+醋，第一次試，覺得好香好好食😋但其實烤肉汁、辣汁同乾料都正👍🏻可以搭配唔同嘅食物。
前菜方面，朋友特別喜愛薯仔沙律😆話有陣好香嘅蛋味🤣
以下講吓我哋叫咗咩食
1. 香辣拌魚皮: 冷盤的香辣拌魚皮，魚皮有爽脆的口感, 加上花生嘅香脆，調味酸甜微辣，係一道增加食慾的菜。
2. 老太太特色肥瘦: 肉質鮮嫩，肥瘦適中，好味！
3. 厚切牛舌:外層燒到焦香，內裡依然保持牛肉的嫩滑，堪稱一絕。
4. 厚切豬五花:油脂適中，入口香口！
5. 墨魚腸:呢個墨魚腸有驚喜到我，因為一來份量比想像中多，二來燒完後外酥內軟，仲有汁㗎！
6. 辣白菜:好大份嘅辣白菜🤣叫佢係為咗爽口解膩，好好食😋酸甜微辣的口感，完全能夠平衡燒肉的濃郁。
除此之外，為我哋服務嘅員工態度非常好，又細心，不停為我哋添茶，全程為我哋燒肉。認真！佢嘅燒肉技巧為食物加咗好多分👍🏻值得一試嘅店！
張貼
